KFOR-i nuk dëshiron ta komentojë iniciativën e Presidentit Hashim Thaçi, që përmes një projektligji të ndryshojë misionin e FSK-së.
Klan Kosova ka pyetur këtë mekanizëm ndërkombëtar të sigurisë se a është konsultuar presidenti Thaçi me ta para se të ndërmerrte nismën ligjore për FSK-në.
Përgjigja e KFOR-it rreth veprimeve të Thaçit nuk ishte direkte por megjithatë kjo forcë pati një koment, njofton Klan Kosova.
Në përgjigjet e kthyera për Klanin, KFOR-i, po ashtu bën të ditur se do të përkrahë zhvillimin e FSK-së brenda mandatit që tani ka.
Zyra për media e KFOR-it i është shmangur edhe pyetjes se a mundet FSK ta ruaj paqen dhe stabilitetin në Kosovë.
