Këto shenja tregojnë se nuk do të keni një dashuri që do të zgjas

Më shumë se 40 përqind e të gjitha martesave në Shtetet e Bashkuara përfundojnë me divorc, sipas Shoqatës Amerikane të Psikologjisë

Shpesh mendojmë se prishja e një marrëdhënieje të përkushtuar shkaktohet nga një ngjarje e vetme, siç është tradhtia, por në shumicën e rasteve procesi i prishjes së marrëdhënies ndodh me kalimin e kohës.

Këtu janë shenjat paralajmëruese se një marrëdhënie mund të jetë drejt fundit:

1. “Ne” Bëhet “Unë”

Në një marrëdhënie dashurie ekziston një ndjenjë uniteti, e cila është një nga arsyet që shumë çifte vendosin të martohen. Çifti mendon për veten e tyre si një njësi.

Një shenjë delikate e prishjes së marrëdhënies është kur partnerët fillojnë të flasin më shumë me “Unë” sesa “ne”.

2. Ju filloni krahasimet

Filloni të krahasoni marrëdhënien tuaj me çiftet e tjera, duke vënë në dukje ato gjëra që mungojnë në lidhjen tuaj. Ose, ju filloni të krahasoni marrëdhënien tuaj aktuale me të kaluarat – duke u përqendruar në elementët që ishin “më të mirë”.

3. Interesat tuaja devijojnë

Ne tërhiqemi nga njerëz, me të cilët kemi interesa dhe ideale të ngjashme. Çiftet në dashuri përpiqen të përqendrohen në interesat e përbashkëta. Partnerët të cilët kanë ndjenja të luhatura shpesh përqendrohen në interesat e tyre personale, duke e lënë partnerin tjetër ‘jashtë’.

4. Nuk ndiheni të plotësuar

Një shenjë e rëndësishme e humbjes së dashurisë është kur ndiheni të paplotësuar nga marrëdhënia. Nevojat tuaja thjesht nuk po plotësohen.

5. Dallimet zmadhohen

Kur një marrëdhënie dashurie po formohet, ne kërkojmë ngjashmëri me partnerin tonë, kur gjërat fillojnë të prishen, ne mund të fiksohemi në ndryshimet, shkruan Class.

6. Mërzia bëhet superiore

Shumë marrëdhënie prishen kur njëri partner (ose të dy) fillojnë të humbin entuziazmin e tyre për marrëdhënien. Mërzia mund ta motivojë dikë të kërkojë diçka të re – shumë herë jashtë marrëdhënies aktuale.

7. Ju Ndryshoni. Ai jo

Kur ecni në drejtim të vetë-përmirësimit, por partneri juaj nuk duket i përqendruar në përpjekjen për ta bërë veten, ose marrëdhënien, më të mirë, kjo është një shenjë paralajmëruese se nuk po ecni përpara së bashku.

8. Keni ndaluar së provuari

Marrëdhëniet kërkojnë shumë punë nga të dy palët. Një çelës për një marrëdhënie të suksesshme afatgjatë është që të dy partnerët janë të motivuar të japin kohën dhe energjinë e nevojshme në partneritet për ta mbajtur atë të qëndrueshme. Kërkojnë mënyra për ta mbajtur flakën e dashurisë të ndezur. Nëse njëri ose të dy partnerët kanë ndaluar së provuari, kjo është një shenjë shumë e keqe. /Telegrafi/