Kërkohet hapja e zyrave lokale të Avokatit të Popullit në Maqedoni

Edhe pse institucioni i Avokatit të Popullit është një ndër institucionet kryesore kur bëhet fjalë për mbrojtjen e të drejtave të njeriut sistemi aktual i këtij institucioni nuk mundëson një funksionim të tërësishëm të kësaj sfere. Në vendin tonë funksionojnë në gjashtë qytete zyra të zëvendës Avokatëve të Popullit të cilët mbulojnë me aktivitete e tyre komunat të rajoneve.

Komunën e Dibrës e mbulon me aktivitete e saj zyra e Kërçovës. Vitet që kaluan shumë rrallë në Dibër qëndronte përfaqësuesi i institucionit në fjalë dhe me të drejt për drejt cenoheshin të drejtat e “hallexhinjve” dibran.

Zëvendës Avokati i Popullit në zyrën e Kërçovës Ylber Rufati këto ditë ka pranuar postin në fjalë. Ai mbulon me aktivitete e tij komunat Dibër, Ohër , Strugë, Makedonski Brod, Pllasnicë dhe Kërçovën. Gjatë prezencës së tij në Dibër ai na deklaroi se në Dibër do jetë prezent për nevojat e dibranëve dhe pranimin e ankesave të tyre vetëm një ditë gjatë një muaji, respektivisht të mërkurën e fundit të muajit. Për gazetën “KOHA”, Rufati theksoi se është i vetëdijshëm se me prezencën e tij vetëm një herë gjatë muajit në Dibër nuk do të kënaq të gjithë nevojat e dibranëve por siç tha prezenca e tij në Dibër varet nga kapaciteti kadrovik i Zyrës së Kërçovës.

Në pyetjen se si mund të tejkalohet problemi aktual dhe prezenca minimale e tij jo vetëm në Dibër por edhe në komunat të tjera , bashkëbiseduesi i jon zëvendës Avokati i Popullit Ylber Rufati thotë se do të kishte qenë mirë që në zyrat rajonale nëpër komuna të ketë të punësuar edhe juristë.

“Nëse kemi të punësuar juristë në këto zyra lokale atëherë kontakti i qytetarëve që kanë probleme me institucionet do të ishte shumë më i mirë dhe qytetarët si të tillë mund ti prezantonin problemet shumë më qarët. Por, punësimi i juristëve nvaret nga Kuvendi i Republikës së Maqedonisë së Veriut”, shton bashkëbiseduesi i jonë dhe thekson se gjithçka varet nga buxheti që posedon Avokati i Popullit në vendin tonë.

Pushteti vendor në Dibër, po ashtu është i mendimit se prezenca e zëvendës Avokatit në Dibër një herë në muaj nuk kënaq. Në prononcimin që na e dha në këtë çështje kryetari i Këshillit të Dibrës, Bashkim Mashkulli, thotë se qëndron fakti që prezenca e këtij institucioni një herë në muaj në Dibër as nga së afërmi nuk kënaq nevojat e dibranëve. Qytetarët kanë probleme të shumta me institucionet të ndryshme dhe duam përkrahjen e Avokatit të Popullit. Prandaj, shton Mashkulli, duhet patjetër të mendohet për zyra të rregullta lokale ku do të punësoheshin nga një punëtor të cilët do të mundësonin për çdo dit të pranohen ankesa në lidhje me padrejtësitë ligjore që u bëhen atyre.

Rrënja e numrit të ankimimeve që kanë bë dibranët gjatë viteve të kaluara dhe vitin 2019 kanë pasur vetëm ankimime, tregon se është humbur interesi për institucionin Avokat i Popullit, thonë qytetarët. Dibrani A.B, 64 vjeçar thotë se disa herë ka kërkuar takime gjatë vitit 2019, por që nuk është takuar asnjëherë me zv Avokatin që ka mbuluar Dibrën.

Ai thekson se nëse në Dibër ka një zyrë lokale të rregullt, qytetarët do ta kenë më lehtë që të komunikojnë dhe të kërkojnë të drejtat e tyre me institucionin në fjalë. Në perëndim institucioni i obdusmanit është teje i respektuar edhe atë për shkak të mbrojtjes të fuqishme që ja jep popullit. Shteti duhet të ndaj më shumë mjete për funksionimin të Avokatit të popullit në vendin ton” thekson bashkëbiseduesi i jonë./Koha/