Kur ra Perandoria Osmane në vitin 1912 dhe shqiptarët shpallën pavarësinë e tyre brenda kufijve të sotëm të Shqipërisë londineze, dhe derisa Ushtria Osmane ende nuk kishte kaluar kufijtë e Ballkanit, ushtria serbe e zëvendësoi atë me shpejtësi marramendëse dhe gjatë muajve nëntor-dhjetor të këtij viti, Kosova u shndërrua në kasaphanë. Dëshminë më të mirë për këtë na e jep gazetari i shquar dhe shefi për informim i Perandorisë Austro-Hungareze, Leo Freundlich në librin e tij “Golgota shqiptare”, i cili u publikua pak kohë pasi ndodhi gjenocidi serb kundër shqiptarëve të pambrojtur. Në errësirën e kësaj kasaphane, Kosova mbijetoi gjatë gjithë shekullit njëzet.
Njësoj ndodhi pasi ra Jugosllavia e Versajës dhe u zëvendësua nga Jugosllavia komuniste për gjysmëshekullin e ardhshëm. Kur Fuqitë e Boshtit shënuan fitore kundër nazifashizmit dhe një pjesë e shqiptarëve besonin se më në fund mbërriti liria edhe për ata, viti 1945 ishte viti më tragjik për shqiptarët që mbetën nën ish-Federatën jugosllave. Rreth 7 000 shqiptarë të vrarë e të masakruar në Drenicë, rreth 5.000 shqiptarë të Masakruar në Monopolin e Tivarit, rreth 6 000 në Anamoravë, rreth 3 000 në Monopolin e Tetovës dhe mijëra vrasje e masakra kundër shqiptarëve kudo që u gjendën ata.
Kur u shpërbë ish-Jugosllavia në vitin 1991, kombet që bashkëjetuan dhunshëm brenda saj, besuan se ndarja do të sjell paqe, por ishte pasuria që i theu keq ata. Serbët më egoistë se kombet tjera, provokuan katër luftëra dhe shkaktuan përgjakje të mëdha.
Njësoj ndodhi në mars të vitit 1999, më saktë një vit para se të përfundonte Mileniumi i Dytë në Kështjellën e Rambujesë, njëzet milje në jugperëndim të Parisit, kur Shtetet e Bashkuara të Amerikës dhe aleatët e saj evropianë, provuan t’i jepnin fund konfliktit shqiptaro-serb. Kur shqiptarët menduan se më në fund nxori krye paqja, shpërtheu lufta e përgjakshme.
Kërcënimi i para pak ditëve i presidentit serb, Aleksandar Vuçiq për mundësinë e një konflikti të ri në Kosovë dhe kërcënimi po ashtu i Klerit ortodoks serb se “koha është për t’u kthyer në Kosovë”, nuk janë për t’u nënçmuar. Sapo ne shqiptarët pranojmë kërcënime të këtilla, mendja na shkon tek forcat shumëkombëshe të KFOR-it në ruajtjen e kufijve të Kosovës. Udhëheqja e Kosovës duhet t’i merr përgjegjësitë e saj sipas Kushtetutës për të ardhmen e sigurisë së vendit, në rast të largimit të mundshëm të forcave të KFOR-it nga Kosova. Fundja Kosova nuk ka asnjë garanci për qëndrimin e tyre të përjetshëm.
Sa do të jemi të vëmendshëm në këtë pikë, lë shumëçka për të dëshiruar, aq më shumë kur të kihet parasysh gara e liderëve kosovarë për marrje të primatit se kush ishte më meritori për themelimin e ushtrisë së Kosovës, madje edhe duke mohuar rolin vendimtar të Shteteve të Bashkuara të Amerikës! Më shumë se nevoja për të patur një ushtri të rregullt dhe nevoja që kjo ushtri të pajiset me armatime për t’u mbrojtur nga kërcënimet e mundshme, gara mori një dimension tjetër: atë të fudullëkut dhe bajraktarizmit të pakundshoq!
Lufta Prigozhin - Putin
Më shumëBE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
"O Bes Kallaku", reagimi epik i Xhensilës kur fansat i përmendin ish-partnerin në koncert
Macron bisedon në telefon me Kurtin - e lidh anëtarësimin e Kosovës në Këshill të Evropës me zbatimin e Asociacionit
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjidhen dekanët e rinj në 14 fakultete të Universitetit të Prishtinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj