Kënga “Boyfriend” e Selena Gomez thuhet se është dedikim për Justin Bieber dhe The Weeknd

Selena Gozes ditën e djeshme (e premte) ka publikuar këngën e saj  më të re të titulluar “Boyfriend”. Në videoklip, ajo shihet duke munduar të joshë një treshe burrash përpara se t’i shndërrojë në bretkosa.

Thuhet se duhet të puthni bretkosat për të gjetur princin, por Selena po i kthen ata në bretkosa si lloj ironie ndaj ish-të dashurve të saj, shkruan Mirror.

Sipas burimeve, këngëtarja i ka krahasuar ato me ish-të dashurit e saj, Justin Bieber dhe The Weeknd.

https://www.instagram.com/p/B-xCdDsjkY0/

Gomez dhe Justin filluan romancën e tyre në vitin 2010 deri në vitin 2016, ndërsa ky i fundit tash është i martuar me modelen Hailey Baldwin.

The Weekend është këngëtari tjetër kanadez me të cilin Selena ka pasur lidhje dashurie midis vitit 2017 dhe 2018.

https://www.instagram.com/p/B-zm8l-jYOG/

Ajo gjithashtu kishte përdorur rrjetin social Instagram për të diskutuar rreth projektit muzikor të ri duke thënë se nuk dëshiron të dashur, edhe pse në këngë shprehet një dëshirë e tillë.

“Ne e kemi shkruar këngën shumë përpara krizës sonë të tanishme, por në kontekstin e sotëm, dua të jem e qartë se një i dashur nuk është askund në krye të listës sime të përparësive”, kishte thënë Selena.

Përkundër promovimit të këngës, ylli amerikan ishte lutur për siguri dhe unitet gjatë kësaj pandemie dhe theksoi se të ardhurat nga shitja e albumeve të saj do të shkojnë për bamirësi. /Telegrafi/