Ish-deputeti i Kuvendit të Kosovës dhe pronari i ‘Elkos Group’, Ramiz Kelmendi, ka bërë disa propozime se si duhet të zgjidhet orari i punës së bizneseve për ditën e diel.
Kelmendi, përmes një postimi në profilin e tij në Facebook, ka thënë se kjo çështje duhet të zgjidhet në nivel të Kosovës, e jo në disa komuna siç janë marr vendimet që kjo ditë të mos punohet.
“Duke parë vendimet e kuvendeve komunale ‘ad hoc’ mbi të dielat e punës për objektet tregtare për të cilën gjë mendojë që është e arsyeshme, sepse mundëson që të punësuarit në këto sektorë të jenë së bashku me familjen në njërën anë dhe duke i mbrojtur edhe të punësuarit individual në objektet e tyre nga orari i punës së tejzgjatur”, ka shkruar Kelmendi.
Ai në katër pikat e propozuara thotë se duhet të nxirret një vendim në mënyrë të atillë që të mbështeten kërkesat e konsumatorit sidomos diasporës gjatë sezonit dimëror.
“Mendoj që këtë proces duhet vendosur dhe implementuar në këtë formë: të mbahet takimi i Asociacionit të Komunave dhe të nxjerrët vendimi i cili vlen për tërë territorin e Kosovës; të nxjerrët vendimi i zgjuar i cili mbështet kërkesat e konsumatorit për t’u furnizuar me rregull, të zgjidhen kërkesat e diasporës gjatë sezonave verore dhe dimërore, të zgjidhen kërkesat e festave dhe furnizimit për to; të zgjidhen oraret e pas orës 22:30 minuta me të cilët mundësohet kthimi i të punësuarve pas kësaj ore, në mungesë të transportit publik; dhe të aplikohet edhe në restorante, kafiteri dhe atë t’u lejohet orari i punës nga ora 14:00 deri në ora 21:00”, sugjeron ai.
Ai thotë se pas zbatimit të këtyre pikave, i punësuari do të ruhet nga keqpërdorimet dhe pamundësia për të kontrolluar bizneset.
“Mendoj, që nëse zbatohet ky proces i filluar nuk do të ketë lëvizje të qytetarëve në komuna tjera, do ruhet i punësuari nga keqpërdorimet dhe pamundësia për të kontrolluar bizneset, do shtohen lidhshmëritë e familjeve dhe nevoja për veprime edukative si dhe shumë çështje tjera pozitive”, thotë ai.
Shkrimi i plotë i Kelmendit
Të dielat e punës në Republikën e Kosovës
Duke parë vendimet e kuvendeve komunale ‘ad hoc’ mbi të dielat e punës për objektet tregtare për të cilën gjë mendojë që është e arsyeshme, sepse mundëson që të punësuarit në këto sektorë të jenë së bashku me familjen në njërën anë dhe duke i mbrojtur edhe të punësuarit individual në objektet e tyre nga orari i punës së tejzgjatur.
Mendoj që këtë proces duhet vendosur dhe implementuar në këtë formë:
1. Të mbahet takimi i Asociacionit të Komunave dhe të nxjerrët vendimi i cili vlen për tërë territorin e Kosovës;
2. Të nxjerrët vendimi i zgjuar i cili mbështet kërkesat e konsumatorit për t’u furnizuar me rregull, të zgjidhen kërkesat e diasporës gjatë sezonave verore dhe dimërore, të zgjidhen kërkesat e festave dhe furnizimit për to;
3. Të zgjidhen oraret e pas orës 22:30 minuta me të cilët mundësohet kthimi i të punësuarve pas kësaj ore, në mungesë të transportit publik; dhe
4. Të aplikohet edhe në restorante, kafiteri dhe atë t’u lejohet orari i punës nga ora 14:00 deri në ora 21:00.
Sugjerojë që do ishte i nevojshëm një vendim qeveritarë për të përfshirë tërë territorin e Republikës së Kosovës, në mënyrë që mos të ketë ndarje territoriale komunale dhe qytetare, por kjo të rregullohet me një marrëveshje të asociacioneve komunale.
Duke i cekur shembujt e sipërpërmendur në 4 pika, mendojë se orari duhet të përfshijë disa të diela që binë para festave fetare në veçanti, sepse në të kundërtën kjo e pamundëson furnizimin e nevojshëm për këto festa (p.sh. e diela që është me më pak se 4 ditë para festave, viti i ri, Kurban Bajrami, Fiter Bajrami, Krishtlindjet, Pashkët, Festa e Pavarësisë, të jenë të punës).
Pastaj, meqenëse sezoni veror, duke filluar nga data 15 korrik deri më 20 gusht janë ditët e diasporës dhe nevojat e tyre për blerje dhe rekreacion janë më se të nevojshme, duhet aplikuar të dielat e punës.
Këto vendime nuk duhet të jenë mundësi e zhvillimit të informalitetit të punës duke i shërbyer pushimit të të punësuarve për punë personale në prona dhe ndërtime vetanake.
Mendoj, që nëse zbatohet ky proces i filluar nuk do të ketë lëvizje të qytetarëve në komuna tjera, do ruhet i punësuari nga keqpërdorimet dhe pamundësia për të kontrolluar bizneset, do shtohen lidhshmëritë e familjeve dhe nevoja për veprime edukative si dhe shumë çështje tjera pozitive. /Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Nagip Krasniqi shkarkohet nga pozita e kryeshefit të KEK-ut
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Saktësi, efikasitet dhe rehati - Ultratingulli revolucionar SonoMax 9
Nesër mbahet shitja e 65-të aseteve e Agjencisë Kosovare të Privatizimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert