Keira Knightley sqaron se përse nuk do të xhirojë më skena nudo për filmat që kanë regjisorë meshkuj

Aktorja britanike, Keira Knightley, ka vendosur të mos shfaqet në skena nudo për filmat që kanë një regjisor mashkull.

“Unë nuk kam bërë një ndalim (për skenat nudo) por po e them këtë nëse ka të bëjë me regjisorë meshkuj”, ka thënë aktorja të hënën në Chanel Connects.

“Është për mënyrën se si vështrojnë meshkujt”, sqaroi ylli britanik.

Sidoqoftë, ajo nuk pranon që të jetë pjesë e atyre skenave seksi kur të gjithë të jenë të lyer me vajra dhe të psherëtijnë.

“Unë nuk jam i interesuar ta bëj atë”, shpjegoi Knightley.

Lexo po ashtu Të gjitha lajmet nga Keira Knightley

Ajo tregon se ka raste kur analizon një skenë të caktuar dhe që mendon se do ja vlejë ta bëjë atë.

Keira së fundmi është shfaqur në “Misbehaviour”, një dramë për të drejtat e grave në Londrën e viteve 1970. Ajo shpjegoi rëndësinë e punës me një regjisore femër për të përshkruar me saktësi përvojat femërore në jetën reale.

Vite më parë, aktorja theksoi se e kishte ndaluar vajzën e saj të shihte filmat e Disneyt, që i portretizonin femrat në mënyra që asaj nuk i pëlqenin. /Telegrafi/