Keanu Reeves u dhuron Rolex gjithë dublantëve të “John Wick 4”, por më së shumti i prek me dedikimet e personalizuara të gdhendura në orët e shtrenjta

Ylli i filmave, Keanu Reeves, festoi mbylljen e “John Wick: Chapter 4” duke i bërë dhuratë anëtarëve të ekipit të tij nga një orë Rolex Submariners.

Ai madje personalizoi secilën nga orët elegante me nga një dedikim që i përshtatej secili për mirësi dhe atmosferë pozitive.

Bazuar në postimet e mediave sociale, Reeves i prezantoi katër anëtarët e ekipit: Bruce Lee Concepcion, Jeremy Marinas, Dave Camarillo dhe Li Qian me orët e tyre në Le Bistro Paul Bert në Paris të shtunën mbrëma.

View this post on Instagram

A post shared by WATCHMANIA (@watchmania)

Ndonëse ora do të kishte mjaftuar, aktori përfshiu një mesazh për secilin anëtar të ekipit, duke u siguruar që ata kurrë nuk do ta harrojnë kohën e tyre të kaluar së bashku gjatë xhirimeve të filmit.

Reeves nuk mund të kishte zgjedhur një orë më të mirë si dhuratë, që mund të jetë arsyeja pse ai e mbajti një për vete.

I prezantuar në vitin 1953, Rolex Submariner është frymëzimi për shumicën dërrmuese të orëve moderne.

View this post on Instagram

A post shared by Keanu Charles Reeves Fan Page (@keanucreeves.fanpage)

Aktori bleu versionin e tyre të lansuar në shtator 2020, Ref. 126610LN , e cila përmban një kuti Oystersteel të mbivendosur me një kornizë Cerachrom, një numërues që përputhet me shënues të mëdhenj të orës, lentet zmadhuese të firmës së Rolex- it dhe një byzylyk Oyster.

Në zemër të orës është lëvizja vetë-mbështjellëse e kalibrit 3235 të Rolex, e cila ka si një rezervë energjie 70-orëshe.

Ajo që e bën dhuratën edhe më mbresëlënëse është se sa e vështirë mund të jetë të marrësh tani një Rolex të ri ose të papërdorur, veçanërisht një të tillë të dëshirueshëm sa është Submariner.

Një rritje e përgjithshme e kërkesës për orët e markës, së bashku me ndërprerjet e zinxhirit të furnizimit për shkak të COVID-19, ka çuar në një mungesë serioze të orëve të markës dhe një çmim dyfish më të madh në treg. /Telegrafi/