‘Kazanova’ kinez u konfrontua nga tri të dashurat, me të cilat ishte lidhur në të njëjtën kohë (Video)

Burri nga jug-lindja e Kinës, është quajtur nga mediat si Kazanova, pasi u zbulua dhe u konfrontuar prej tri të dashurave, me të cilat shoqërohej dhe përfitonte materialisht.

Ato pretendojnë se i dyshuari që njihet vetëm si Fu, ua kishte marrë zemrën – bashkë me të edhe shumë para, transmeton Telegrafi.

Prej secilës prej tyre, ai kishte huazuar rreth 25 mijë euro, duke u shtirë se i nevojiten për nevoja familjare.

Pasi kuptuan se janë duke u tradhtuar nga i njëjti njeri, ato janë bërë bashkë në një qendër në Nanning dhe aty është ftuar edhe policia.

Ato nuk ishin në dijeni, se janë në një lidhje të rreme, derisa njëra prej tyre e pa një numër të dyshimtë në telefonin e tij dhe vendosi ta telefononte.

“Më tha se është e dashura e tij prej një viti, mbeta e shtangur dhe nuk dija si të veproja. Pasi u qetësova, vendosa ta takoi”, shpjegon njëra prej tyre. Por, asgjë nuk përfundoi aty.

Të dashurit të tyre, që kurrë nuk ia kishin parë letërnjoftimin apo njoftuar familjen, ato ia zbuluan edhe të tretën të dashur.

Pas konfrontimit publik, ato po dëshirojnë që ngjarja të shkojë para drejtësisë dhe të dëmshpërblehen për gënjeshtrat dhe humbjet materiale.

Në anën tjetër, rasti që është shumë kompleks dhe i ngatërruar, por shqyrtohet fillimisht prej policisë, në përpjekje të gjendet një zgjedhje ligjore për të katër palët. /Telegrafi/

https://youtu.be/_syOxck7iH0