Katër vite më parë e kishte idhull dhe bënte foto me të, tani Declan Rice e ka shok skuadre argjentinasin Zabaleta`

Declan Rice është duke shkëlqyer me fanellën e West Hamit këtë edicion.

Mbrojtësi i talentuar irlandez ka dalë nga akademia e West Hamit dhe është bërë një titullar tek klubi londinez.

Me vetëm 19 vite, Rice ka zhvilluar 21 ndeshje në Ligën Premier dhe gjashtë të tjera në Kupën angleze.

Por vetëm katër vite më parë, Rice si 15 vjeçare bënte foto me mbrojtësin argjentinas Pablo Zabaleta.

Tani dyshja luajnë në një ekip dhe janë bërë shok të mirë.

Ka qenë Rice që ka publikuar dy foto në Twitter, njërën të bërë në vitin 2014 dhe tjetrën tani.

“Nga fans i tij në vitin 2014, shok skuadre në vitin 2018”, ka shkruar Rice.

Por pas këtij postimi ka folur edhe argjentinasi Zabaleta, i cili ka thënë se Rice një ditë do të bëhet kapiten i West Hamit.

“Rice është vetëm 19 vjeçar dhe po përmirësohet çdo ditë e më shumë”.

“Ai ka shumë energji dhe me ndihmën e lojtarëve që jemi me përvojë do të bëhet edhe më i mirë”.

“Besoj se herët ose vonë ai do të bëhet kapiten i West Hamit”, ka thënë Zabaleta.

Falë paraqitjeve të mira, Rice ka debutuar edhe me Kombëtaren A të Irlandës. /Telegrafi/