Nuk ka pothuajse asnjë fëmijë që në një moment nuk do të shprehë dëshirën për të pasur një kafshë shtëpiake

Përpara se të adoptoni ose blini një këlysh, do të ishte mirë të dini se cilat raca rekomandohen veçanërisht për familjet me fëmijë.

Këta qen kanë aq durim sa të dëshironi, ata janë të butë dhe kujdesen për fëmijët si pasardhës të tyre, transmeton Telegrafi.

Qentë që i duan veçanërisht fëmijët

Kalorësi spaniel i Mbretit Charles

Ky qen është zgjedhja më e mirë për të gjithë ata që duan një kafshë shtëpiake të shkathëta, por në të njëjtën kohë shumë të ndjeshme.

Të njohur për shoqërimin e mirë me të gjithë ata që hasin, këta qen janë thjesht të pashmangshëm në listën e qenve të përshtatshëm për familjet me fëmijë.

Të vegjël, kompakt, të shkathët dhe shpirtmirë, do të luajnë me të voglin tuaj për orë të tëra dhe do të jenë shumë të kujdesshëm.

Qeni malor Bernese

Nëse preferoni raca më të mëdha qensh dhe keni një oborr të gjerë, qeni malor bernese është zgjedhja e duhur për ju.

Mos lejoni që madhësia e tij t’ju trembë, sepse në këtë gjigant me gëzof fshihet një zemër shumë e butë plot dashuri për fëmijët.

Ai nuk do të shqetësohet aspak nga përqafimet e forta të fëmijëve dhe do të kënaqet veçanërisht teksa rrotullohet në bar me ta.

Malamute i Alaskës

Malamute i Alaskas është një racë që jeton për tufën e tij, qen apo njeriu, nuk ka rëndësi për të.

Është një racë e trajnuar për të tërhequr sajë nëpër dëborë, dhe ky qen nuk e do vetminë. Në gjenet e tij është puna në grup dhe ka nevojë për një lider për ta ndjekur.

Nëse ai e sheh udhëheqësin e tij te ju, ai do t’i përjetojë fëmijët tuaj si pjesë e tufës dhe do të bëjë gjithçka që është në fuqinë e tij për t’i mbrojtur ata.

Terrieri i Bostonit

Nëse jeni duke kërkuar një kanakar shtëpie që do të shkojë mirë me fëmijët, pa kërkuar shumë mirëmbajtje, Terrieri i Bostonit është zgjidhja më e mirë për ju.

Këta qen të vegjël janë shumë të sjellshëm dhe të butë me fëmijët e të gjitha moshave.

Atyre u përshtatet të jetuarit në një apartament, që do të thotë se nuk kërkojnë shumë hapësirë për të vrapuar, megjithëse do të vlerësojnë shëtitjet tuaja të përditshme nëpër bllok. /Telegrafi/