Kryeministri shqiptar, Edi Rama gjatë një diskutimi në Davos bëri një deklaratë tjetër që nxiti reagime të shumta jo vetëm në rrjete sociale.
Edi Rama goditi hipokrizinë e Bashkimi Evropianit që kërkon standarde më të larta të anëtarëve aspirantë se sa zbaton për veten. Kështu nis shkrimin e saj Politico Europe.
Kryeministri shqiptar Edi Rama i tha presidentes së Parlamentit Evropian, Roberta Metsola të enjten se “Karma është k…” – duke iu referuar skandalit të madh korrupsioni që ka tronditur institucionin e Bashkimit Evropian javët e fundit.
Duke lënë të kuptohet hipokrizinë mbi korrupsionin nga vendet tashmë në klub – dhe vetë Parlamenti Evropian – Rama sugjeroi që BE-ja tani kërkon standarde më të larta nga anëtarët e mundshëm (si Shqipëria) sesa anëtarët e saj.
“Më shumë se gjysma e vendeve të BE-së nuk do të mund të hynin më në BE”, tha Rama, duke folur në një panel të POLITICO në Forumin Ekonomik Botëror në Davos të Zvicrës.
“Nuk po flas për ish-komunistët. Po flas edhe për themeluesit, më besoni”, ka deklaruar kryeministri Edi Rama.
Parlamenti Evropian ka qenë në qendër të një hetimi të gjerë nëse qeveritë e huaja, përfshirë Katarin dhe Marokun, kanë ndikuar ilegalisht në punën e tij.
Hetimi ka futur në kurth një ish-nënkryetar të Parlamentit, një ish-deputet, një asistent parlamentar dhe një shef të OJQ-ve dhe ka hedhur një dritë të ashpër mbi procedurat e institucionit për t’u marrë me konfliktet e mundshme të interesit.
Rama pretendoi se procesi i anëtarësimit për vendet kandidate është i ndryshëm nga kur vende si Malta, vendi i origjinës së Metsolës, u bënë anëtarë të bllokut, duke thënë se ai është bërë “tepër neurotik dhe një gjë e padrejtë”.
Metsola theksoi se Parlamenti “ka qenë gjithmonë jashtëzakonisht pozitiv kur ishte fjala për zgjerimin e BE-së, sepse shumë prej nesh e mbajnë mend kohën kur u anëtarësuam”.
Por ndërsa Rama tha se vendi i tij po mësonte nga BE-ja se si të ndërtonte institucione demokratike, ai ende kishte një ndjenjë që BE-ja po merrte rezultatin e saj kur shpërtheu skandali.
‘Roberta, më fal, duhet ta them, kur doli ky rast korrupsioni. Unë thashë: Karma është një k…’, tha ai.
Më parë këtë muaj, Metsola njoftoi 14 reforma të propozuara në sistem për të forcuar rregullat e transparencës për euro -deputetët pas skandalit të korrupsionit.
Në këtë panel kanë qenë Jamil Edmond Anderlini, Roberta Metsola, Aleksandar Vuciqic, Leo Varadkar e Edi Rama./Telegrafi/.
Rama dhe Vuçiq gjatë diskutimit në Davos/World Economic Forum
Lufta Prigozhin - Putin
Më shumëKurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Trajnimi i ushtarëve ukrainas, ambasadori Kapiti: Krenarë me përkushtimin e FSK-së
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi