LAJMI I FUNDIT:

“Kapja politike e KPM-së”, flet Demolli-Nimani nga Lëvizja Fol

“Kapja politike e KPM-së”, flet Demolli-Nimani nga Lëvizja Fol

Lëvizja FOL ka reaguar sot për vendimin e së premtes Bordit të Komisionit të Pavarur të Mediave, duke thënë se kundërligjshëm ndryshuan strukturën udhëheqëse.

Ajo theksoi se kjo u bë pa kaluar një proces i konsultimeve publike.

“Disa anëtarë të Bordit të KPM-së të cilët kundërligjshëm ndryshuan strukturat udhëheqëse të borit, para përfundimit të mandateve ligjore, ku përmes ndryshimeve aktuale të rregullores së punës së KPM-së, ata në mënyrë të kundërligjshme ndryshuan rregulloren duke mundësuar zgjedhjen e kryetarit dhe nënkryetarit brenda një muaji, para përfundimit të mandateve të tyre ligjore.


Ky akt u ndërmarrë pa kaluar një proces i konsultimeve publike, duke shkelur nenin 8 të ligjit për komisionin e Pavarur të Mediave, i cili kërkon përfshirjen e qytetarëve në ndryshimin e akteve nënligjore. Pas ndryshimit të kësaj rregullore, anëtarët e KPM-së ndryshuan strukturat aktuale të KPM-së, në kundërshtim me procedurat ligjore, duke krijuar një precedent të rrezikshëm që synon kapjen politike të institucioneve të pavarura, duke cenuar parimet e demokracisë dhe shtetit të së drejtës“, tha ajo, duke shtuar se Kuvendi ka dështuar të zgjedh anëtarët e këtij bordi para fushatës zgjedhore.

Me katër vota për, Besnik Berisha është zgjedhur kryetar i ri i Bordit të Komisionit të Pavarur për Media (KPM). Kjo pas propozimit të disa nga anëtarët në këtë institucion që kryetari të zgjidhet sot, meqenëse mandati i kryetarit, Jeton Mehetmi përfundon të martën.

Me të zgjedhur kryetari i ri, Mehemti ka kërkuar që vazhdimin e mbledhjes të bëjë Berisha.

Mirëpo, me këtë nuk u pajtuan disa nga anëtarët prezent. Sipas tyre kryearti i sapo zgjedhur sot vazhdon mandatin e tij nga dita e martë dhe jo nga sot.

Lidhur me mbledhjen e djeshme të KPM-së, ka reaguar edhe Asociacioni i Gazetarëve të Kosovës – AGK.

Në reagim thuhet se po përcjellin me shqetësim mbledhjen e sotme të Komisionit të Pavarur të Medieve, në të cilën është votuar një kryetar i ri, disa ditë para skadimit të mandatit të kryetarit aktual, Jeton Mehmeti.

“Zgjedhja e Besnik Berishës për kryetar të KPM-së ngre pikëpyetje ligjore për mënyrën e ndryshimit të Rregullores së KPM-së, e cila parasheh që kryetari i ri zgjidhet në mbledhjen e parë pasi t’i ketë skaduar mandati ose të jetë shkarkuar kryetari aktual. AGK-ja e sheh votimin e sotëm si përpjekje të hapur për politizimin dhe instrumentalizimin e KPM-së për interesa të partisë në pushtet, duke u bazuar në qëndrimet publike të iniciatorëve për ndryshimet e sotme. Komisioni i Pavarur i Medieve, si organ kushtetues, luan rol të rëndësishëm në rregullimin e skenës mediale në Kosovë dhe, si i tillë, duhet ta ruajë pavarësinë e plotë dhe të mos lejojë ndërhyrjet politike”, thuhet në reagim.

Edhe aktivistja e shoqërisë civile, Flutura Kusari ka alarmuar se propozimi për ndryshim-plotësimin e rregullores së punës së KPM-së paraqet përpjekje për “kapjen” e KPM-së.

“Kapja politike e KPM-së u kompletua. Siç ju paralajmërova: Rregullorja e re u ndryshua kundërligjshëm; Jeton Mehmeti u shkarkua De Facto nga pozita e kryetarit të KPM-së; KPM tash ka kryetar jolegjitim. Ky është sulm politik ndaj pavarësisë së Komisionit të Pavarur për Media dhe është bërë për të ushtruar presion në televizione. Ne punën tonë e kryejmë, e dokumentuam kapjen politike nga pushteti të KPM-së”, thuhet në reagimin e saj.

Komisioni i Pavarur i Mediave (KPM) është organ kompetent për rregullimin, menaxhimin dhe mbikëqyrjen e spektrit të frekuencave të transmetimit në Kosovë. Ai është themeluar në vitin 2005 dhe ka për përgjegjësi të mbajë një sistem të drejtë dhe të hapur për licencimin dhe rregullimin e shërbimeve mediale audiovizuele dhe menaxhimin e spektrit të frekuencave të transmetimit në pajtim me standardet më të mira ndërkombëtare. /KP/

Në trend Lajme

Më shumë
Kjo është lista e përditësuar me votat e kandidatëve për deputetë të PDK-së

Kjo është lista e përditësuar me votat e kandidatëve për deputetë të PDK-së

Lajme
Si shpërndanë mediat ruse përmbajtje manipuluese para zgjedhjeve në Kosovë?

Si shpërndanë mediat ruse përmbajtje manipuluese para zgjedhjeve në Kosovë?

Lajme
Kjo është 10-shja e parë në listën e kandidatëve për deputetë të AAK-së

Kjo është 10-shja e parë në listën e kandidatëve për deputetë të AAK-së

Lajme
Rohde reagon ashpër: Serbia ndërhyri në zgjedhjet e Kosovës përmes Listës Serbe

Rohde reagon ashpër: Serbia ndërhyri në zgjedhjet e Kosovës përmes Listës Serbe

Lajme
Thaçi nuk merr pjesë në seancë për arsye shëndetësore, Selimi shfaqet me kollare me motive shtetërore

Thaçi nuk merr pjesë në seancë për arsye shëndetësore, Selimi shfaqet me kollare me motive shtetërore

Lajme
Presidentja Osmani dekoron familjen Jashari: Shteti i Kosovës nuk e harron sakrificën më sublime të historisë sonë moderne

Presidentja Osmani dekoron familjen Jashari: Shteti i Kosovës nuk e harron sakrificën më sublime të historisë sonë moderne

Lajme
Kalo në kategori