Mund të jetë edhe LaFerrari. Janë bërë një dekadë, që kur Ferrari është duke provuar makina hibride. 

Vetëm se deri më tani, nuk e ka sjellë ndonjë super-makinë të elektrifikuar, krahas LaFerrarit një milionësh, por duket se kjo mund të ndryshojë ditëve në vijim, transmeton Telegrafi.

Në pistat e Fiorano, që ndodhen afër fabrikës në Maranello të Italisë, është parë një Ferrari me shtresa të rrënda kamuflazhi, që besohet të jetë i elektrifikuar.

Sipas madhësisë, ngjanë me 488 GTB, teksa paralajmërimet në dyer dhe bateria në pjesën e poshtme, tregojnë diçka tjetër. Të pranishmit, tregojnë edhe për tingull të çuditshëm që lëshonte.

Prodhuesi italian, e ka sjellë makinën e parë hibride më 2009, ndërsa tani pas afro dhjetë vitesh, mund t’i ketë hyrë punës, për një hiper-makinë elektrike.

Mediat që merren me automobilizëm, konsiderojnë se ky Ferrari që sipas të gjitha gjasave do jetë i elektrifikuar, do të prezantohet jo më larg se dhjetori i këtij viti. /Telegrafi/