Kanye West i premtoi Kim Kardashian se nuk do të bëjë më deklarata nxitëse në rrjete sociale dhe se do të largohet për të marrë ndihmë

Kanye West sipas Page Six i ka thënë Kim Kardashian se ‘ai do të largohet për të marrë ndihmë’ pas skandaleve të njëpasnjëshme që ka bërë në rrjete sociale.

Disa burime pranë familjes Kardashian thonë se West – i njohur tashmë si Ye – ka rënë dakord që të ndalojë ngacmimin e ish-gruas së tij dhe të të dashurit të saj, komedianit Pete Davidson.

Sjellja shqetësuese bëri që ai muajin e kaluar të pezullohej nga Instagrami për 24 orë dhe të tërhiqej nga performanca në “Grammy Awards”.

Një burim i afërt me Kardashians tha: “Për hir të fëmijëve, Kanye i ka thënë Kimit se nuk do të bëjë asnjë paraqitje publike apo deklarata nxitëse në mediat sociale dhe ai do të largohet diku për t’u përmirësuar”.

Burimi shtoi se nuk ishte e qartë nëse artisti, 44 vjeç, planifikoi të shkonte në një institucion trajtimi, pasi ai ka qëndruar në Los Angeles për të qenë me katër fëmijët e tij dhe të themelueses së “SKIMS”.

Lexo po ashtu "Ngrihuni dhe punoni", Kim Kardashian kërkon falje publike pas këshillave që i dha për gratë në biznes

Një përfaqësues i reperit tha për Page Six, “Në këtë kohë, Ye është e përkushtuar ndaj një marrëdhënieje të shëndetshme bashkë-prindërore me Kim dhe është dhe e fokusuar në rritjen e fëmijëve të tyre”.

Kjo ishte bërë aq shqetësuese sa Kardashian, 41 vjeçe, iu desh t’i lutej publikisht West që t’i jepte fund fushatës së tij, pasi kishte frikë për sigurinë e Davidson.

Ylli i “The Kardashians” tani po shijon një romancë publike me komedianin e SNL. /Telegrafi/

View this post on Instagram

A post shared by Kim Kardashian (@kimkardashian)