Kane nuk mund të largohej nga intervista pa u përgjigjur në atë çfarë ndodhi mes Contes dhe Tuchel

Tottenham tregoi ‘ku janë si ekip’ pasi shpëtoi një pikë kundër Chelseat, sipas Harry Kane.

Kapiteni i Anglisë shënoi golin në minutën e 96-të për të siguruar një barazim 2-2 për Spurs në atë që doli në një derbi intensiv dhe i zjarrtë në “Stamford Bridge”.

Chelsea dominoi ndeshjen dhe e gjeti veten 1-0 përpara në pjesën e parë falë një goditjeje mahnitëse nga nënshkrimi i ri Kalidou Koulibaly, por Kane ishte i kënaqur kur pa ekipin e tij të luftonte deri në fund.

Lexo po ashtu Conte u pyet tri herë për incidentin me Tuchel - por gazetarët nuk morën atë që deshën

“Ishte një lojë vërtet e rëndësishme për ne për të treguar se ku jemi si ekip”, deklaroi ai pas ndeshjes. “Është një maratonë, jo një sprint”.

“Ne kemi një rrugë të gjatë për të bërë me një Kupë Bote në mes, por ishte e rëndësishme veçanërisht pasi humbëm pesë ose gjashtë herë ndaj tyre në kupë ose ligë”.

“Larg nga shtëpia në ‘Stamford Bridge’ nuk ka qenë vendi ynë më i mirë ndër vite, kështu që arritja me një pikë veçanërisht në fund ishte një ndjenjë e mirë”.

Lexo po ashtu Tuchel tregohet i matur kur pyetet për konfrontimin me Conten gjatë dhe pas derbit

Nuk pati asnjë mirëkuptimi mes dy skuadrave që nga fishkëllima e parë dhe ndeshja përfundoi me tensione, pasi Thomas Tuchel dhe Antonio Conte u përjashtuan me karton të kuq pas një përplasjeje në vijën e fushës.

Kane ndjeu se Tottenham i menaxhoi mirë emocionet e tyre gjatë takimit dhe tregoi shpirt të madh për të luftuar rrugën e tyre për t’u kthyer në garë.

Lexo po ashtu Fillimisht gjatë ndeshjes u konfrontuan, por as pas saj Tuchel dhe Conte nuk u qetësuan - gjyqtari i ndëshkoi dy strategët me kartonë të kuq

“Ne vazhduam të luftonim dhe prisnim dhe morëm një në fund të mirë atje”, shtoi ai. “Jam i kënaqur me mënyrën se si u kundërpërgjigjëm, veçanërisht në pjesën e dytë dhe me një ndjenjë shumë të bukur për ta marrë atë në fund”.

“Është zhgënjyese të shohësh kartonët e kuq, nuk e pashë çfarë ndodhi. Natyrisht ishte një lojë emocionale, derbi i Londrës, pasioni nga të dyja palët, të dyja skuadrat donin të fitonin. Kështu ndodh ndonjëherë në këto lojëra, ka shtuar më tej Kane. /Telegrafi/