Kamerat e sigurisë filmojnë momentin kur treni tërheq zvarrë një burrë në Denver – habiten të gjithë kur e kuptojnë se ka shpëtuar (Video, +18)

Një burrë nga Denveri po kërkon dëmshpërblim nga menxhamenti i hekurudhave që t’i mbulojnë shpenzimet e mjekimit, pasi vitin e kaluar kamerat e sigurisë e kanë filmuar duke e tërhequr treni zvarrë nëpër binarë.

Sam Hynes po zbriste nga treni në Colfax në stacionin Auraia më 19 mars të vitit të kaluar, kur biçikleta e tij ngeci në dyer, transmeton Telegrafi.

Sipas avokatit të tij mbrojtës, Hynes më pas ishte rrëzuar dhe kishte ngecur mes platformës dhe trenit, ku si pasojë treni e ka tërhequr zvarrë për disa metra derisa humbi vetëdijen.

Pasi e kuptuan qytetarët se çfarë kishte ndodhur, e kishin dërguar me urgjencë në spital, ku është konstatuar se i është thyer krahu.

Megjithatë, avokati i tij po kërkon dëmshpërblim, derisa menaxhmenti i hekurudhave janë munduar të arsyetojnë veprimin e shoferit të trenit, duke thënë se për shkak të këndit të papërshtatshëm nuk e kishte parë burrin e rrëzuar. /Telegrafi/