“Kam bërë tetë transfuzion gjaku dhe kam humbur 11 kg” – Tyson zbuloi gjendjen e rëndë para meçit

Mike Tyson nuk e kurorëzoi me fitore rikthimin e tij të shumëpritur në ring këtë fundjavë, por në anën tjetër fitoi një shumë të majme parash.

Kjo pasi ikona 58-vjeçare e boksit u mposht nga Jake Paul (27), ndërsa zbuloi në rrjetet sociale se kishte qenë i sëmurë rëndë muajt e kaluar.

Lufta me Paul ishte planifikuar fillimisht për 20 korrik, por u shty pasi Tyson luftoi me probleme shëndetësore.

Sipas versionit zyrtar, ai vuante nga ulçera në stomak. Por situata ishte shumë më serioze nga sa supozohej të ishte, dhe këtë e ka treguar Tyson një ditë pas meçit.

Lexo po ashtu Përdoruesit e Netflix zbulojnë momentin e saktë të kurdisjes së duelit Paul-Tyson

“Për pak sa nuk vdiqa në qershor. Kam bërë tetë transfuzione gjaku. Kam humbur gjysmën e gjakut dhe 11 kilogramë në spital dhe duhet të luftoj për t’u shëruar dhe për të luftuar përsëri”, ka shkruar Tyson në Twitter, duke zbuluar se kjo e bëri të ndihej si fitues.

This is one of those situations when you lost but still won. I’m grateful for last night. No regrets to get in ring one last time.

I almost died in June. Had 8 blood transfusions. Lost half my blood and 25lbs in hospital and had to fight to get healthy to fight so I won.

To…

— Mike Tyson (@MikeTyson) November 16, 2024

Ndonëse në ring nuk pati një spektakël të vërtetë, lufta u shikua shumë.

Të paktën 60 milionë njerëz e ndoqën luftën, njoftoi Netflix, dhe mbetet për t’u parë nëse kjo ishte vërtet hera e fundit që Tyson hyri në ring.

Lexo po ashtu Kjo është video që Netflix publikoi para duelit mes Tyson dhe Paul - ka 19 milionë shikime

Meqë ra fjala, Mike fitoi 20 milionë dollarë për luftën kundër Jake Paul, ndërsa rivali i tij mori 40 milionë dollarë. /Telegrafi/