Ndonëse nuk presin shumë nga zgjedhjet serbe, qindra shqiptarë që sot kaluan nga Kosova në fshatrat e Medvegjës, thonë se votuan vetëm për t’ua dhënë një votë më shumë kandidatëve shqiptarë.
Pika kufitare e Mutivodës, që ndan Kosovën me Serbinë, sot ishte më e frekuentuar se zakonisht. Arsyeja për këtë është zgjedhjet parlamentare të Serbisë.
Shumë qytetarë që jetojnë në Kosovë, por që me prejardhje janë nga kjo zonë e Serbisë e banuar me shumicë shqiptare, ia mësynë qendrave të votimit për të shprehur vullnetin e tyre politik.
Një polic kufitar, që nuk deshi të identifikohej, tha se shumë qytetarë kanë kaluar sot nëpër këtë pikë. Ndërsa në orët e hershme të mëngjesit kanë shkuar edhe 4 autobusë nga Kosova.
Megjithëse ju përgjigjën pozitivisht zgjedhjeve, shumica prej tyre kanë pritje të vogla nga këto zgjedhje.
Ramë Syla nga fshati Tupallë i komunës së Medvegjës për KALLXO.com tha se sot shumë herët është kthyer në vendlindje për të votuar.
“Të parët jemi shku te shkolla e Tupallës, kemi votuar”, tha Syla.
Ai tha se gjithçka ka shkuar mirë dhe pret të paktën tre deputetë shqiptarë në Parlamentin e Serbisë.
“Të paktën dy deri në tre vende nga tri komuna, Preshevë, Bujanovc, Medvegjë me i fitu në Parlamentin e Serbisë”, tha Syla.
Syla thotë se nuk është shumë i kënaqur me punën e përfaqësuesve të Kosovës në Parlamentin e Serbisë, por shkak për këtë e konsideron numrin e vogël të përfaqësuesve.
Edhe Hajrullah Jakupi, i lindur në fshatin Dediq të komunës së Medvegjës, por me vendbanim në Gjermani, tha se megjithëse ka votuar sot, nuk pret ndonjë ndryshim nga këto zgjedhje.
“Me ju thënë të drejtën asgjë. Interesimi është shumë i vogël sot me aq sa kam vërejtur në Medvegjë. Po të ishin zgjedhjet lokale do të kishte më shumë interesim, e zgjedhjet parlamentare as që po vërehen”, tha Jakupi.
Hajrullah Jakupi tha se shkak për këtë është se për Komunën e Medvegjës po bëhet shumë pak dhe një përfaqësues ose dy nuk mund të kontribuojnë shumë.
Edhe Ruhan Beha që kishte votuar sot tha se përpos që është obligim për të votuar, është mirë që shqiptarët te kenë përfaqësuesin e tyre në Parlamentin e Serbisë.
Njëjtë sikur Beha mendon edhe Petrit Abazi që obligimin e votës e kreu në orët e para të mëngjesit.
“Nuk presim diçka, kemi votuar për t’ia dhënë një votë më shumë shqiptarëve”, tha Abazi.
Partia e Veprimit Demokratik me lider Riza Halimi është forca e vetme politike ndër shqiptarët e cila ka pranuar të garojë në zgjedhjet serbe, derisa shtatë subjekte tjera shqiptare kanë bojkotuar këto zgjedhje.
Në komunën e Medvegjës votohet vetëm për zgjedhjet parlamentare, për dallim nga Presheva, ku zhvillohen edhe zgjedhje lokale.
Promo
Reklamo këtuLufta Prigozhin - Putin
Më shumëNdalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'