Kaloi 72 orë duke u shfrenuar nëpër ahengje plot alkool, kur u zgjua e kuptoi çfarë u kishte bërë syve (Foto/Video)

Pasi që i kishte kaluar mbi 72 orë duke u shfrenuar nëpër ahengje plot alkool, australiani Jay është zgjuar nga gjumi me tatuazhe në kapakët e syve.

Jay një i ri nga Melbourne adhurues i flaktë i sporteve ekstreme, është dashur t’i nënshtrohet një trajtimi me laser për t’i hequr tatuazhet në kapakët e syve, transmeton Telegrafi.

Por e gjithë kjo nuk ka kaluar pa u bërë publike, pasi stafi që i kishte hequr tatuazhet e kanë postuar në Instagram videon e procesit, në mënyrë që të tjerët ta mund të shohin turpin që e kishte përjetuar Jay.

Përbri videos së postuar, ishte shkruar një arsyetim se Jay ishte kënaqur paksa shumë gjatë pushimeve në Meksikë, ku kishte shkuar me disa shokë për të kërcyer nga një vinç i lartë.

Pasi kishte shëtitur dhe argëtuar nëpër ahengje për plot tri ditë, ai është zgjuar nga gjumi duke e shikuar veten në pasqyrë, ku edhe kuptoi se në kapakët e syrit kishte tatuazhe në të cilat shkruante “Party 2 impact”.

Heqja e tatuazheve në vende të ndjeshme siç janë kapakët e syve mund të jetë një proces shumë i dhimbshëm, që edhe mund ta shihni reagimin e tij në video. /Telegrafi/

https://www.instagram.com/p/BPYYkpyhN8R