Kryeministrja e Estonisë, Kaja Kallas, ka dorëzuar sot dorëheqjen, raporton ERR.
Kallas është emëruar për të shërbyer si përfaqësuesi i ardhshëm i lartë i BE-së për punët e jashtme, duke pasuar Josep Borrell, përcjell Telegrafi.
Ajo do të mbetet zyrtarisht kryeministre derisa të betohet qeveria e re.
Alar Karis, presidenti i Estonisë, tha se ai pranoi dorëheqjen e saj.
“E falënderova për punën e saj dhe i uroj shumë fat! Do të filloj bisedimet me përfaqësuesit e të gjitha partive politike në Riigikogu për të formuar një qeveri të re”, tha ai. /Telegrafi/
