Juventusit i takon “Derby della Mole”, Locatelli heroi i bardhezinjëve

Juventusi ka shënuar fitore si mysafir i Torinos me rezultat 1-0 në kuadër të javës së shtatë në Serie A.

‘Zonja e Vjetër’ e nisi më mirë takimin, ku në minutën e pestë Weston McKennie kishte rast, por nuk arriti të shënojë.

Torino u kundërpërgjigj me rastet e Sasa Lukic dhe Rolando Mondragora, por as këta dy nuk ishin të saktë.

Pjesa e dytë i takoi Juventusit, që kishte raste më të mira për të shënuar.

HT | ⌛️ | Even in the derby at the break. #ToroJuve #FinoAllaFine #ForzaJuve pic.twitter.com/4htAD6iGX1

— JuventusFC 🇬🇧🇺🇸 (@juventusfcen) October 2, 2021

Në minutën e 53-të, Alex Sandro gjuan bukur me kokë, por portieri vendas ishte në vend, duke bërë pritje të madhe.

Juan Cuadrado pas tre minutash po ashtu e testoi portierin e Torinos, por ai sërish ishte në vend.

85’ | 🕰 | Inside the final 5 minutes of the derby, let's keep pushing for that goal!#ToroJuve [0-0] #ForzaJuve pic.twitter.com/mTYszWI2nr

— JuventusFC 🇬🇧🇺🇸 (@juventusfcen) October 2, 2021

Ndeshja shkonte drejt fundit dhe Juventusi shtonte presionin, ku edhe u shpërblye.

Manuel Locatelli gjeti rrjetën në minutën e 86-të me një goditje të bukura nga jashtë zonës për 1-0.

https://twitter.com/juve_canal/status/1444359076889124874

Pas golit Juve ka mundu të shënojë edhe një herë, por goditja e Dejan Kulusevskit në kohën shtesë u ndal në shtyllë.

Juventusi vazhdon ngjitjen në Serie A, ku kjo ishte fitorja e tretë më radhë, ndërsa me 11 pikë aktualisht janë në vendin e 8-të në renditje. /Telegrafi/