Juventusi refuzon ta marr Fellainin, ai mbetet lojtar i lirë në qershor

Agjenti i Marouane Fellainit, ia ka ofruar lojtarin e tij Juventusit për një kalim të mundshëm te gjigantët italian, por kampionët e Serie A e kanë refuzuar. 

Belgu është nën kontratë me Manchester Unitedin deri në fund të sezonit dhe mesfushori e ka refuzuar mundësinë e vazhdimit të kontratës.

United ende nuk është dorëzuar për mesfushorin 29 vjeçar dhe nuk duan ta shesin në janar.

Fellaini është kthyer në një lojtar kyç nën urdhrat e Jose Mourinhos, duke shënuar katër gola në nëntë ndeshje.

Lexo po ashtu Këta janë 20 lojtarët më të mirë të 10 viteve të fundit – Shumë yje të mëdha me Messi dhe Ronaldon që vazhdojnë të mbesin më të mirët (Foto)

United i kishte ofruar kontratë një vjeçare dhe lojtari kishte refuzuar dhe që atëherë është në kërkim të një klubi të ri.

Një burim i Goal.com ka thënë se lojtari i është ofruar Juventusit nga agjenti i tij, por ‘Zonja e Vjetër’ e ka refuzuar mundësinë e zëvendësimit.

Trajneri Massimiliano Allegri nuk e sheh lojtarin si përmirësim të mesfushës së tij, ndërsa lojtarët që ai pëlqen mbeten Emre Can dhe Leon Goretzka.

Edhe drejtori i Juventusit, Giuseppe Marotta, ka thënë se po punojnë për këtë dyshe që janë pa kontratë në fund të vitit. /Telegrafi/