Juventusi interesohet për transferimin e tre futbollistëve nga Chelsea

Juventusi pritet të jetë një nga skuadrat më aktive në afatin kalimtar të janarit.

Me ardhjen e Thiago Mottas në krye të skuadrës ka ndryshuar sistemi i lojës së Juventusit dhe Zonja e Vjetër detyrohet të futet në tregun e transferimeve shkaku i lëndimeve.

Dy mbrojtësit kryesor, Gleison Bremer dhe Juan Cabal nuk do të luajnë më këtë sezon dhe Juventusi ka tre emra nga Chelsea në listën e dëshirave.

Qendërmbrojtësi francez Benoit Badiashile është një nga emrat më të nxehtë për qendrën e mbrojtjes, ku francezi mund të shkoj si huazim me të drejtë blerje.

Opsioni i dytë nga Chelsea është ai i mbrojtësit të majtë Ben Chilwell i cili do ta zëvendësojë Cabalin në krahun e majtë të mbrojtjes. Eksperienca e tij e madhe ka bërë që Juventusi ta ketë në listën e dëshirave.

Opsioni i tretë nga Chelsea është mesfushori i ri italian Cesare Casadei. Mesfushori defensivë nuk ka pasur shumë hapësira dhe pëlqehet shumë nga Juventusi.

Casadei do t’i bashkohej Zonjës së Vjetër vetëm në rast se Nicolo Fagioli do të largohet gjatë janarit dhe mesfushori i ri shihet si zëvendësuesi i tij në Allianz Stadium.

Calciomercato ka raportuar se qëllimi i drejtuesve të Juventusit është t’i marrë treshen e Chelseat si huazim me të drejtë blerje në fund të sezonit. /Telegrafi/