Juventusi ka fituar ndaj Interit me rezultat 1-0 në Derbin e Italisë.
Vendasit ishin më të mirë dhe të organizuar dhe kjo ishte një fitore e merituar nga skuadra e Massimiliano Allegrit.
Takimi filloi me gjuajtjen e Paulo Dybalas në minutën e 13-të e cila përfundoi në shtyllën horizontale të Samir Handanovic.
Interi rrezikoi me anë të Roberto Gagliardini dhe Joao Marios në vazhdim, por të dy gjuajtën jashtë.|
Goli i vetëm në këtë takim erdhi në minutën e 45-të nga Juan Cuadrado dhe ishte thjesht fantastik.
Fillimi i pjesës së dytë ishte më pak raste, pasi Zonja e Vjetër u mbyll në mbrojtje duke tentuar të ruan rezultatin dhe të sulmon me anë të kundërsulmeve.
Në minutën e 78-të Gonzalo Higuain gjuajti rrezikshëm, por Handanvic u tregua i kujdesshëm.
Juve rrezikoi edhe një herë, por tani me Mario Mandzukic në minutën e 86-të, por edhe një herë porta e Interit u shpëtua mrekullisht nga portieri slloven.
Mysafirët provuan, por Zonja e Vjetër ishte e organizuar shumë mirë dhe nuk ka shumë hapësira në lojën e mbetur.
Pas kësaj fitore Juve vazhdon në vendin e parë me 54 pikë, kurse Innteri në të pestin me 42 pikë. Ndeshja e ardhshme e zikaltërve është ndaj Empolit, kurse kampionët e Serie A udhëtojnë te Crotone.
Vlen të theksohet se Juve ndali serinë fantastike të Interit prej shtatë fitoreve. /Telegrafi/
https://twitter.com/coybmarcel/status/828345090737332224
