Juventusi ka qenë ndër skuadrat e vetme evropiane që ende nuk ka zhvilluar një ndeshje miqësore që nga fillimi i fazës përgatitore.
Kampioni i shumëfishtë i Italisë ka udhëtuar drejt Shteteve të Bashkuara të Amerikës ku do të qëndrojë për disa ditë për të kryer fazën përgatitore ku do të ketë edhe disa miqësore në program.
E ndeshjen e parë miqësore të besuarit e Massimiliano Allegrit e kanë fituar me rezultat të pastër 2-0 ndaj ekipit meksikan Guadalajara Chivas.
Sulmuesi i talentuar Cosimo Marco Da Graca shënoi në minutën e 10-të për epërsinë minimale, derisa Mattia Compagnon u përkujdes për rezultatin përfundimtar 2-0.
Nga minuta e parë debutuan transferimet e reja si Paul Pogba dhe Angel Di Maria që patën paraqitje të mirë.
Ndërkohë minuta pati edhe për qendërmbrojtësin brazilian Gleison Bremer i cili u inkuadrua në pjesën e dytë.
Juventus në tokën amerikan do t'i zhvilloj edhe dy miqësore të tjera ku më 27 korrik përballet me Barcelonën dhe më 31 të këtij muaji me Real Madridin. /Telegrafi/
