Jovan Mitreski zgjidhet kryetar i ri i Kuvendit të Maqedonisë së Veriut

Deputetët në Maqedoninë e Veriut sot me 64 vota “për” dhe 40 “kundër” zgjodhën Jovan Mitreskin për kryetar të Kuvendit.

Mitreski, i cili deri më tani ishte koordinator i grupit parlamentar të LSDM-së, do të jetë kryetar i Kuvendit deri në zgjedhjen e përbërjes së re të, pas zgjedhjeve të 8 majit.

Në seancë folën deputeti i LSDM-së Martin Kostoski, i cili i dha përkrahje të plotë Mitreskit, Nikolla Miceski, koordinatori i OBRM-PDUKM-së, i cili tha se nuk do ta mbështesin Mitreskin.

Lexo po ashtu Konstatohen dorëheqjet e Kovaçevskit dhe Xhaferit, gjatë fundjavës do të votohet Qeveria teknike

Kryeparlamentari i ri dha betim solemn, pas së cilës, siç ishte paralajmëruar, do të ketë pranim-dorëzim të funksionit dhe deklarata të shkurtra nga Xhaferi dhe Mitreski.

Mitreski shkurtimisht falënderoi për mbështetjen, si dhe Xhaferin për menaxhimin e suksesshëm të Kuvendit së bashku me sekretaren e përgjithshme Cvetanka Ivanova.

Lexo po ashtu Xhaferi pas dorëheqjes: Kam punuar me përgjegjësi, sfida më e madhe ka qenë 27 prilli i vitit 2017

Theksojmë që dje kryeministri Dimitar Kovaçevski dhe kryetari i Kuvendit Talat Xhaferi dhanë dorëheqje në pajtim me ligjin që parasheh formim të Qeverisë teknike, 100 ditë para mbajtjes së zgjedhjeve kuvendare.

Këtë fundjavë pritet që të votohet edhe Qeveria teknike, mandatar i së cilës do të jetë Talat Xhaferi./Telegrafi/