Anthony Joshua nuk e ka pranuar në mënyrë sportive humbjen e dytë nga Oleksandr Usyk, në përballjen për titujt kampion në peshat e rënda.
Pavarësisht se kishte pritshmëri të larta për të marrë hak ndaj boksierit ukrainas për atë disfatë në shtatorin e kaluar, sërish AJ u detyrua të dorëzohej përball tij.
Në ndeshjen e vlefshme për titujt IBO, IBF, WBA dhe WBO, britaniku mori një tjetër disfatë nga votat e tre anëtarëve të jurisë pas 12 raundeve të luftuara me Usyk, ndërsa mbrëmja pas humbjes nuk ishte aspak e qetë për 30-vjeçarin.
Jo vetëm boks dhe kënaqësi, Joshua dhe Usyk fituan një mal me para pas përballjes në Arabinë Saudite
Fillimisht, Joshuas iu desh të përballej edhe me kritikat që vërshuan nga spektatorët ndërsa në një moment britaniku ishte gati të përballje fizikisht me një prej tyre, por për fat ekipi i tij e ndali boksierin të bënte ndonjë marrëzi fatale.
Pamje të tilla pati edhe kur dëshiroi të largohej para kohe në drejtim të tunelit, por që u rikthye sërish në ring. /Telegrafi/
