Joshua: Do të mësoj nga kjo humbje, do përmirësohem dhe do të fitoj në rimeç

Anthony Joshua ka folur pas humbjes së titujve botëror në peshat e rënda, pas humbjes nga Oleksandr Usyk me vendim unanim.

Boksieri britanik është mposhtur nga ukrainasi Usyk, i cili ka arritur t’i fitojë titujt e peshave të rënda me vendim unanim të gjyqtarëve dhe të shpallet kampion i unifikuar bote.

Ukrainasi tashmë do të mbajë tre tituj botëror të peshave të rënda në WBA, IBF dhe WBO, pasi fitoi me dominim në meçin e zhvilluar në ‘Tottenham Hotspur Stadium’.

Lexo po ashtu Usyk mposht Joshuan dhe shpallet kampion i ri bote në peshat e rënda

Joshua ka reaguar pas humbjes duke thënë se kjo do të jetë një mësim për të, ai do të përmirësohet me kalimin e kohës dhe do të jetë gati për rimeç.

“Ne do të kthehemi përsëri. 12 raunde të shkëlqyera, përvojë e madhe gjithashtu në ring dhe përparim nga ky moment e tutje. Së shpejti do t’i bëjmë të gjitha përsëri”, ka thënë fillimisht Joshua pas humbjes.

🗣️ "It's a great lesson today" – @anthonyjoshua 🎓

Watch the AJ post-fight presser live now: https://t.co/2UKy7lwUb8 pic.twitter.com/9TzJtg0I2T

— Matchroom Boxing (@MatchroomBoxing) September 26, 2021

“Unë do të ngrihem lart, do të shikoj veten në pasqyrë dhe do të them se e di që mund ta bëj. Thjesht duhet ta duroj veten”.

Joshua ka këmbëngulur se mund të mësojë nga kjo humbje dhe të përmirësohet.

🗣️ "I'm not putting my energy into sulking but ways I can improve" – @anthonyjoshua

Watch the AJ post-fight presser live now: https://t.co/2UKy7lfiMy

— Matchroom Boxing (@MatchroomBoxing) September 26, 2021

“Ne do të kthehemi përsëri, do të vij nga vendi ku e lamë tani dhe pastaj do të kthehem dhe do të përpiqem të jem më mirë. Jam i sigurt se do të jem më mirë në meçin tjetër. Ai ende goditet, goditet shumë dhe në rimeç thjesht do të mësojmë se si ta godasim më shumë dhe të jemi më tronditës me përzgjedhjen tonë të goditjeve”.

“Janë mundësitë që i kam dhënë. Unë thjesht do të kthehem dhe do të shikoj veten dhe do të korrigjoj gabimet e mia. Thjesht po kërkoj të hyj atje i përmirësuar më i fortë, më i zgjuar”.

Lexo po ashtu Fjalët e Usyk pas shpalljes kampion: Trajnerët më thanë të mos e nokautoja Joshuan, bëra detyrat e mija

“Besoj se do të marr një fitore të mirë në luftën tjetër për shkak të asaj që kam mësuar këtë luftë. Unë jam një nxënës i shpejtë dhe do të kthehemi”.

“Kjo përvojë sot është e paçmueshme. Ajo që kalova sot do të ketë një përfitim të madh për mua në luftën e ardhshme”, përfundoi britaniku.

🗣️ "110%" – @anthonyjoshua wants the rematch next…

Watch the AJ post-fight presser live now: https://t.co/2UKy7lwUb8 pic.twitter.com/3B1CmYBP6a

— Matchroom Boxing (@MatchroomBoxing) September 26, 2021

Ndryshe, Joshua ka një klauzolë për rimeç dhe kështu mund ta detyrojë të ndodh luftën e dytë.

Promoteri Eddie Hearn është duke pritur shkurtin ose marsin e vitit të ardhshëm për një luftë të dytë Usyk. /Telegrafi/