Ish-i dashuri i Taylor Swift, Joe Jonas, ka dhënë një koment të rrallë për këngëtaren 35-vjeçare, 17 vjet pas ndarjes së tyre.
Në një intervistë për Esquire së bashku me vëllezërit e tij Kevin dhe Nick të grupit Jonas Brothers, Joe u pyet nëse i pëlqen albumi i fundit i Taylor, The Life of a Showgirl.
“Kam dëgjuar disa këngë. Mendoj se ajo është padyshim një nga artistet më të mëdha atje dhe është shumë e mirë. Ka disa melodi që të kapin”, tha ai.
Joe, i cili ka qenë i martuar me Sophie Turner, shprehu gjithashtu se nuk është aktualisht në aplikacione takimesh, duke thënë: “Kam takuar njerëz përmes Instagram dhe TikTok, por pesë shfaqje radhazi nuk e bëjnë të lehtë takimin me dikë”.
Ndërkohë, Taylor Swift është e fejuar me lojtarin e Kansas City Chiefs, Travis Kelce. Fejesa u njoftua më 26 gusht përmes një postimi të përbashkët në rrjetet sociale, shkruan DailyMail.
Komediani Andrew Santino më pas zbuloi se propozimi ishte planifikuar prej muajsh dhe qëllimi i ditës së “New Heights” ishte ta surprizonte Taylor.
Ndërkohë, Joe ka bërë më parë një reagim të çuditshëm ndaj tekstit të këngës së Taylor Mr. Perfectly Fine, duke ngjallur spekulime se mund të lidhej me ndarjen e tyre. /Telegrafi/
