Jo vetëm Milani, Armando Broja përfshihet edhe në listën e ngushtë të dëshirave të Bolognës

Sulmuesi shqiptar, Armando Broja është ndër objektivat e Bolognës për të zëvendësuar holandezin Joshua Zirkzee, i cili është në bisedime të avancuara për t’u bashkuar me Milanin.

Bologna mund të rivalizojë Milanin për Brojën këtë verë, pasi sulmuesi në pronësi të Chelseat thuhet se është në radarin e klubit Rossoblu për të zëvendësuar Zirkzee që pritet të largohet.

Milani ka vendosur të paguajë klauzolën prej 40 milionë eurosh të sulmuesit holandez dhe tani është në bisedime me agjentin e tij, Kia Joorabchian.

Lexo po ashtu Jo vetëm Zirkzee, Milani po punon edhe për transferimin Brojës dhe Dovbyk

Sipas Sky Sport, Milani dëshiron të nënshkruajë me Zirkzee dhe Broja, por Corriere dello Sport argumenton se klubi Rossoblu mund të sfidojë rivalët e tyre vendas në garën për reprezentuesin shqiptar.

Gazeta italiane shton se klubi nga Renato Dall’Ara ka përgatitur tashmë një listë të ngushtë me gjashtë sulmues për sezonin 2024/25, ku përfshihet edhe Broja.

Megjithatë, opsioni i tyre i preferuar thuhet të jetë Vangelis Pavlidis i AZ Alkmaar, shënuesi i 33 golave ​​në 46 paraqitje këtë sezon. Një tjetër sulmues grek, Fotis Ioannidis i Panathinaikos, është monitoruar gjithashtu nga Bologna, pasi shënoi 23 herë në 44 ndeshje këtë sezon.

Jorgen Strand Larsen (Celta Vigo), Jonathan Burkardt (FSV Mainz 05) dhe Adam Hlozek i Bayer Leverkusen janë gjithashtu në radarët e Bolognës së bashku me Brojën.

Bologna do të luajë në Ligën e Kampionëve sezonin e ardhshëm dhe së fundmi ka emëruar Vincenzo Italianon për të zëvendësuar Thiago Mottan e larguar. /Telegrafi/