Jo një, por dy Mbappe do të bashkohen me Real Madridin në verë – zbulohen prapaskenat se si vëllai i vogël do të zbarkojë në Bernabeu

Klubi mbretëror, Real Madridi thuhet se dëshiron edhe vëllain e vogël të Kylian Mbappes, Ethan, në afatin kalimtar të verës, pasi ka thurë tashmë planin e transferimit.

Sipas mediumit francez RMC Sport, Real Madridi mund të sigurojë dy Mbappet në verë me Kylian dhe Ethan të vendosur për të nënshkruar për Los Blancos.

Real Madridi nuk do të duhet të paguajë për të nënshkruar me dy vëllezërit pasi Ethan Mbappe do të bëhet lojtar i lirë në qershor ashtu si vëllai i tij i madh Kylian.

🇪🇸 Libre cet été, Ethan Mbappé pourrait suivre son frère au Real Madrid après une demande de Kylian et de sa famille. Selon la presse espagnole, les dirigeants auraient donné leur accord.

— RMC Sport (@RMCsport) February 27, 2024

Burimi thotë se familja Mbappe tashmë ka arritur një marrëveshje me Real Madridin për ta realizuar këtë. PSG nuk ka asnjë fjalë për këtë çështje pasi të dy lojtarët vijnë si lojtar të lirë.

PSG është pajtuar me vendimin e Kylian Mbappe për t’u larguar, i cili gjithashtu vjen me koston e humbjes së vëllait të tij të vogël 17-vjeçar.

Mesfushori i talentuar ka bërë tashmë tre paraqitje me ekipin e parë të PSG-së këtë sezon.

Lexo po ashtu Vëllai i Kylian Mbappes, Ethan debuton me PSG-në në moshën 16-vjeçare

Ethan luan më rregullisht për ekipin e të rinjve të PSG-së, ku ka shënuar pesë gola dhe ka regjistruar katër asistime në 16 paraqitje.

Ndoshta Mbappe më i ri një ditë mund të piqet për t’u bërë një gjigant në mesfushën e Real Madridit. /Telegrafi/