Jesus flet pas het-trikut të parë këtë edicion me Arsenalin: Presioni është i madh, por më mungon edhe fati

Gabriel Jesus ka bërë një paraqitje të jashtëzakonshme për Arsenalin duke shënuar një hat-trik në fitoren 3-2 ndaj Crystal Palace në çerekfinalet e Carabao Cup .

Kjo arritje ishte veçanërisht domethënëse, pasi shënoi golat e tij të parë që pas atij goli ndaj Prestonit në tetor.

Jesus në 21 ndeshje zyrtare tani ka katër gola dhe të gjithë i ka shënuar në Carabao Cup.

Ylli brazilian ka thënë se është i lumtur që rikthehet për të shënuar gola pasi presioni tek ai është i madh.

Toda a Glória a Deus. 🙏🏾❤️ pic.twitter.com/SjMa2u1iPL

— Gabriel Jesus (@gabrieljesus9) December 18, 2024

“Jam i lumtur që kthehem për të shënuar gola, sepse kam numrin nëntë dhe presioni do të jetë gjithmonë aty për të shënuar gola. Kjo është ajo, kjo është sfida”, tha Jesus.

“Ndonjëherë e kam këtë problem me fatin për të shënuar gola, por padyshim që mund të shënoj gola”.

Booking our semi-final spot 🎟️

Check out the highlights from tonight’s 3-2 victory over Crystal Palace 📺 pic.twitter.com/U2gc84DuwB

— Arsenal (@Arsenal) December 19, 2024

“Kur nuk shënoj, ata duan që sulmuesi ynë të shënojë gola – jam dakord me këtë – prandaj po punoj shumë në stërvitje”, tha Jesus.

Kjo paraqitje pritet të rrisë besimin e Jesus dhe të riafirmojë rolin e tij si një lojtar kyç për Arsenalin në ndeshjet e ardhshme. /Telegrafi/