“A jeni i çmendur?”, tifozët e Mainz me pankarta shprehin pakënaqësinë ndaj ish-trajnerit të tyre Klopp

Tifozët e klubit gjerman Mainz i kanë dërguar një mesazh të fortë ish-trajnerit të tyre Jurgen Klopp pasditen e së shtunës në duelin ndaj Leipzigut.

Më herët gjatë këtij muaji, u njofuta se Klopp do të bëhet shef i ‘Global Soccer’ në kompaninë e pijeve energjike Red Bull.

Që prej 1 janarit e tutje, 57-vjeçari do të mbikëqyrë rrjetin e klubeve të futbollit të Red Bull, që përfshijnë RB Leipzig, New York Red Bull dhe Red Bull Salzburg.

Klopp i cili u largua nga Liverpooli në fund të sezonit 2023/2204, do të mbështesë gjithashtu rrjetin global të skautizmit dhe do të kontribuojë në stërvitjen dhe zhvillimin e trajnerëve.

Pasi u bë i ditur ky lajm, tekniku gjerman kishte thënë se është shumë i emocionuar që është përfshirë në këtë projekt, por vendimi i tij për të marrë këtë rol ka shkaktuar polemika.

Mainz’s fan and ultra groups hold banners criticizing former coach Jürgen Klopp for joining Red Bull:

“Did you forget everything we made you become?”
Old quote of his: “I like people until the point they disappoint me.”
“Are you crazy?” (German: BeKLOPPt)

Via @meenzer_on_tour pic.twitter.com/CHCNCbSKzI

— Felix Tamsut (@ftamsut) October 19, 2024

Në fakt, reputacioni i tij në mesin e tifozëve në Gjermani ka marrë një goditje në një ndeshje të ish-klubit të tij Mainz, pasi tifozët e tyre shfaqën pankarta për të protestuar lëvizjen e fundit të Kloppit.

“A keni harruar gjithçka që ne ju ndihmuam të bëheni”, ishte mesazhi në njërën prej pankartave të shfaqura, teksa një tjetër shkruante “A jeni i çmendur?”.

Në qoftë se nuk jeni në dijeni, Red Bull kishte bërë më herët një deklaratë që nuk ishte mirëpritur, kur morën përsipër klubin e kategorisë së pestë SSV Markranstadt dhe e kthyen atë në RB Leipzig.

Kujtojmë se në të kaluarën Klopp ka qenë mjaft kritik ndaj modelit me shumë klube, por duket se tashmë gjërat kanë ndryshuar./Telegrafi/