LAJMI I FUNDIT:

Jashari nga Shoqata e Familjarëve të Dëshmorëve të UÇK-së: Kam kërkuar që pensioni i veteranit të jetë 500 euro

Jashari nga Shoqata e Familjarëve të Dëshmorëve të UÇK-së: Kam kërkuar që pensioni i veteranit të jetë 500 euro

Kryetari i Shoqatës së Familjarëve të Dëshmorëve të UÇK-së, Xhavit Jashari, thotë se respektojnë qëndrimet e shprehura mbrëmë nga kryetari i AAK-së, Ramush Haradinaj në raport me veteranët dhe kryeministrin Albin Kurti.

Mbrëmë në “Debat Plus” kryetari i AAK-së Ramush Haradinaj ka kërcënuar kryeministrin Albin Kurti në lidhje me pensionet e veteranëve.

Jashari në RTV Dukagjini thotë se respektojnë Ramush Haradinajn për sakrificën e tij dhe të familjes në luftë.

“Mendoj se kjo është një qasje e gabuar e kryeministrit Kurti. Qeveria është e obliguar të zbatojë ligjet e Kuvendit për veteranët. Albin Kurti duhet të lexojë dhe zbatojë ligjin”, tha Jashari, përcjell Telegrafi.

“Sa i përket benificioneve të veteranëve, ligji e thotë qartë se ato nuk mund të jenë nën pagën minimale pavarësisht implikimeve buxhetore. Ndërsa për invalidët dhe familjet e dëshmorëve, benificioni i këtyre kategorive është 220% mbi pagën minimale”.

Jashari thotë se veteranët nuk kanë frikë nga procesi i verifikimit.

“Sa i përket listës së veteranëve, askush nuk është duke iu frikësuar verifikimit. Mendoj se qasje e Kurtit është e gabuar. Ai po mundohet t’i zhvendos premtimet që ka dhënë, duke u marrë me një kategori pa të cilën ata nuk do të ishin ulur në karriget ku janë sot”.

Haradinaj paralajmëron Kurtin: Do më kesh në rrugë bashkë me veteranët, nuk të falim nëse nuk rriten pagat
Lexo po ashtu Haradinaj paralajmëron Kurtin: Do më kesh në rrugë bashkë me veteranët, nuk të falim nëse nuk rriten pagat

Ai thotë se veteranët duhet të përfitojnë benificione në vlerë 500 euro për të bërë jetë të dinjitetshme.

“Ne kemi kërkuar të ngrihen benificionet për kategoritë e lirisë, në theks të veçantë për veteranët pasi benificioni prej 170 euro nuk mund të quhet as asistencë sociale. Unë në veçanti kam kërkuar që benificioni për veteranin e UÇK-së të jetë në vlerë prej 500 euro në mënyrë që të bëjnë një jetë të dinjitetshme ashtu siç ishte e dinjitetshme edhe lufta e UÇK-së”.

Ndryshe, mbrëmë Haradinaj e kishte kërcënuar Kurtin me protesta nëse nuk përfshihen veteranët në rritjen e pagës minimale.

“Kurti nuk mund të fshihet më. Nuk ka qare pa e rrit pagën minimale. Nuk ka qare pa i përfshirë edhe veteranët e kategoritë e lirisë në të njëjtat kritere. Unë po ja jap sot një paralajmërim Kurtit: Po i ofendove veteranët, do më kesh me ta në rrugë. Dhe nuk të falim pasi je duke bërë shaka. Unë do të jem i pari në rrugë”, kishte deklaruar Haradinaj./Telegrafi/

Në trend Lajme

Më shumë
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Drejtësi
Avokati Kërveshi dhe kompania

Avokati Kërveshi dhe kompania "Kërveshi & Partners" shpallen më të suksesshmit në Kosovë për vitin 2023-2024 nga “The Legal500”

Lajme
Gjenden të shtrirë në rrugë pa shenja jete dy persona në Prishtinë – policia nis hetimet

Gjenden të shtrirë në rrugë pa shenja jete dy persona në Prishtinë – policia nis hetimet

Kronika e Zezë
Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Lajme
Kalo në kategori