Jashanica: Ishim të pafat ndaj Partizanit

Bajram Jashanica ishte një nga lojtarët që iu afrua në më shumë se një rast golit ndaj Partizanit të Beogradit.

Mbrojtësi kosovar e pranon se bardhekuqëve u mungoi fati.

“Rrezikuam pak, por loja jonë nis nga portieri. Duhej të ishim më të kujdesshëm. Humbëm 2-0, e dimë që Partizani ka një ekip shumë të mirë por do të vazhdojmë përpara”.

“Bëmë maksimumin tonë.Të gjithë synojnë të shënojnë gol, por nuk ia arrita as unë dhe as shokët e ekipit. Na mungoi edhe pak fati në ato raste që kishim.Në golin e Tosic vendosëm të mos kërcenim, sepse i trembeshim faktit që kundërshtari mund ta kalonte topin poshtë këmbëve”.

Për shokun e repartit të Jashanicës, kroatin Marko Radas Skënderbeu duhet të luante më i tërhequr dhe duhej të zbriste për barazim dhe jo për fitore pasi kundërshtari ishte shumë i fortë ndërkohë Radas shpejgoi edhe arsyen se përse e gjuajti tokazi topin në atë goditje standarte afër zonës.

“Erdhëm këtu për tre pikë por duhet të kënaqëshim edhe me një pikë dhe të tregoheshim më të kujdesshëm sepse Partizani është një skuadër e fortë që nuk duhet t’i lejosh hapësira”.

“Ishte zgjedhja ime për ta gjuajtur topin poshtë murit në atë goditje standarte por zgjedhja nuk rezultoi efikase”, deklaroi Radas.