LAJMI I FUNDIT:

Janjiq: Ambasadori rus ia lëshoi Serbisë “pataten e nxehtë” me deklaratën për Kosovën

Janjiq: Ambasadori rus ia lëshoi Serbisë “pataten e nxehtë” me deklaratën për Kosovën

Kryetari i Forumit për Marrëdhënie Etnike në Beograd, Dushan Janjiq, ka vlerësuar se ambasadori rus në Serbi, Aleksandar Bocan-Kharchenko, duke deklaruar se qëndrimi i Beogradit do të jetë i rëndësishëm për Rusinë kur bëhet fjalë për anëtarësimin e Kosovës në Kombet e Bashkuara, faktikisht ia ka lëshuar në dorë Serbisë “pataten e nxehtë”.

Janjiq thotë se ai mesazh është disi ndryshe nga mesazhet e fundit të ministrit të jashtëm rus Sergej Lavrov dhe presidentit Vladimir Putin para luftës në Ukrainë, kur thanë se do të ndjekin atë që po bën Beogradi, por që kjo nuk ka të bëjë me pozicionin e Kosovës në OKB.

“Ai [Kharchenko] të gjitha përgjegjësinë për vendimet ia transferoi Vuçiqit, qeverisë aktuale, dhe kjo do të thotë se atëherë të gjithë brenda atij koalicioni qeverisës duhet të rishqyrtojnë se cili është interesi rus tani”, tha Janjiq.

Siç transmeton “N1” në intervistën e fundit, Bocan-Kharchenko tha se “statusi përfundimtar i Kosovës do të përcaktohet në kushte të tjera gjeopolitike pas përfundimit të konfliktit me Perëndimin në territorin e Ukrainës” dhe mendon se nuk ka as më të voglën gjasë që Serbia ta pranojë planin franko-gjerman.

Janjiq thekson se “Rusia një kohë të gjatë nuk ka folur për Serbinë, veçanërisht jo për çështjen e Kosovës dhe nga mesazhet e Bocan-Harchenko konkludon se rolin e Rusisë ende e sheh shumë të fuqishëm, pothuajse të barabartë me QUINT-in, sikur nuk është në dijeni se ‘më nuk ekziston Grupi Kontaktit për Ballkanin’ dhe se tani ajo punë drejtohet nga të tjerët”.

Kandiq: Rusia do të votojë për anëtarësimin e Kosovës në OKB nëse Serbia i vendos sanksione
Lexo po ashtu Kandiq: Rusia do të votojë për anëtarësimin e Kosovës në OKB nëse Serbia i vendos sanksione

Sipas tij, nuk është e vërtetë se Rusia pyetet po aq sa pesëshja e madhe (QUINT), veçanërisht jo në Asamblenë e Përgjithshme të OKB-së, përmes së cilës do të duhet të kalojë vendimi përfundimtar për normalizimin e marrëdhënieve ndërmjet Kosovës dhe Serbisë, kur të vijë deri te kjo situatë.

“E gjithë historia e opozitës dhe tregimi rus se problemi i Kosovës nuk duhet të zhvendoset nga OKB, nuk qëndron, sepse nuk është zhvendosur nga OKB-ja, por është zhvendosur nga Këshilli i Sigurimit i OKB-së, dhe nuk do të vijë kurrë atje, përveç çështjes së anëtarësimit të plotë të Kosovës në OKB”, ka deklaruar Janjiq, transmeton Telegrafi.

Ai tha se argumentet e ambasadorit rus janë në favor të gjithë atyre në Serbi që mendojnë se plani franko-gjerman duhet të refuzohet, duke vlerësuar se Rusia kurrë nuk i ka besuar plotësisht Vuçiqit dhe se i ka besuar më shumë Vojisllav Koshtunicës dhe Boris Tadiqit.

Ish-zëvendëskryetarja e Komisionit për Punë të Jashtme të Parlamentit të Serbisë, Vesna Markoviq, tha se Bocan-Kharchenko dërgoi një mesazh të qartë se Rusia do të përdorë çështjet e hapura në Ballkan për të arritur qëllimet e saj, që lidhen me përfundimin e luftës në Ukrainë.

“Kjo është hera e dytë që dëgjojmë nga Rusia zyrtare se zgjidhja e çështjes së Kosovës lidhet me luftën në Ukrainë dhe përfundimin e atij konflikti. Hera e parë ishte kur presidenti i Federatës Ruse, Vladimir Putin, ishte thirrur në precedentin e Kosovës”, tha Markoviq.

Sipas saj, tani Bochan-Kharchenko ishte pakrahasueshëm më i drejtpërdrejtë dhe i qartë, duke e bërë të qartë se cilat janë interesat reale të Rusisë në Ballkan dhe se do të përdorin çështjet e hapura në Ballkan për të arritur qëllimet e tyre në lidhje me përfundimin e luftës në Ukrainë.

Ajo beson se Bochan-Kharchenko i dërgoi një mesazh jo vetëm Beogradit, por duke përdorur zhvillimin aktual të ngjarjeve që lidhen me planin franko-gjerman, BE-së dhe SHBA-së, se Rusia është e gatshme për një lloj marrëveshjeje, respektivisht tregti me vendet perëndimore.

Siç thekson ajo, Bocan-Kharchenko ka thënë drejtpërdrejt se çështja e zgjidhjes së statusit të Kosovës do të zgjidhet së bashku me konfliktin ukrainas.

“Edhe pse ky lloj mesazhi dërguar Serbisë është një risi e plotë, jam e sigurt se i ka sqaruar dyshimet që kemi pasur për interesat e Rusisë në Ballkan”, tha Vesna Markoviq.

Ambasadori rus në Beograd, Aleksandar Bochan-Kharchenko, në një intervistë për agjencinë serbe “Beta” është pyetur se në çfarë kushte do të pranonte anëtarësimin e Kosovës në OKB.

Ai tha se aktualisht Rusia nuk e njeh Kosovën dhe se në rrethanat e tilla nuk mund të zgjidhet “çështja e saj”.

“Tani është e pamundur t’i përgjigjemi pyetjes suaj, sepse askush nga ne në këtë moment nuk e di se si do të zgjidhet përfundimisht çështja e Kosovës. Çështja e Kosovës do të zgjidhet në kushte të tjera gjeopolitike që do të lindin pas përfundimit të konfliktit mes Perëndimit të përbashkët dhe Rusisë. Në kushtet aktuale gjeopolitike, nuk është e mundur një zgjidhje afatgjatë për disa çështje të hapura rajonale, përfshirë Kosovën”, theksoi ambasadori rus.

Ai shtoi se kushtet e reja gjeopolitike do të jenë rezultat i “të gjitha ngjarjeve aktuale” në skenën ndërkombëtare.

I pyetur për deklaratën e Vuçiqit që tha se nuk përjashton mundësinë e vendosjes së sanksioneve ndaj Federatës Ruse në fjalimin e tij të fundit publik, Bocan-Harchenko tha se “qeveria e Serbisë dhe presidenti Vuçiq për momentin kanë një qëndrim të prerë se sanksionet nuk duhet të vendosen ndaj Rusisë”.

“Presidenti Vuçiq është nën presion të madh nga vendet perëndimore, por tani për tani nuk kemi asnjë indikacion se Beogradi do të vendosë sanksione ndaj Rusisë. Shumica absolute e popullit serb është kundër vendosjes së sanksioneve dhe dihet se presidenti Vuçiq para së gjithash merr parasysh mendimin e popullit”, tha ai./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori