James Blunt për hitin “You’re Beautiful”: E lëshojnë nëpër dasma, ndërsa flet për mua duke ndjekur ish-të dashurën teksa jam nën efektin e drogës

Këngëtari britanik, James Blunt, ka treguar një fakt në lidhje me hitin e tij të madh nga viti 2004, “You’re Beautiful”.

Edhe pse shumëkush konsideron se është një këngë romantike, e cila madje këndohet shpesh nëpër dasma, muzikanti ka treguar se çfarë historie fshihet pas saj dhe se prapaskena është “më i errët” nga sa mund të imagjinohej.

“Kënga flet për mua duke ndjekur femrën e tjetërkujt (ish-të dashurën), ndërkohë që jam në metro ndërsa jam nën efektin e drogës, mirëpo njerëzit e lëshojnë këtë këngë në dasma, gjë që është e bukur”, ka rrëfyer Blunt gjatë emisionit The John Bishop Show.

Lexo po ashtu James Blunt nuk duron më, tregon kujt i kushtohet hit-balada “You’re Beautiful” (Video)

Kjo nuk është hera e parë që 47-vjeçari flet për kuptimin e vërtetë të këngës së tij, sepse këtë e kishte bërë edhe në një intervistë me Oprah Winfrey në vitin 2006.

“Flet se si e kam parë ish-të dashurën në një metro në Londër me të dashurin e saj të ri për të cilin nuk e kam ditur se ekziston. Na janë takuar shikimet, kam jetuar përjetësinë në atë çast, por nuk kam bërë asgjë. Që atëherë nuk jemi parë më”, kishte treguar asokohe Blunt. /Telegrafi/