Edhe BE ka reaguar pas vendimit të kryetarit Ivanov që të firmos faljen e të gjithë politikanëve të cilët janë nën hetime, ndaj të cilëve është ngritur procedure hetimore si dhe për një politikan i cili është duke vuajtur dënimin me burg, njofton Telegrafi Maqedoni.

Nga BE thonë “Vendimi i sotëm i presidentit Ivanov për faljen e disa funksionarëve ka shkaktuar shqetësim serioz. Po bëhet në kohë kur të gjitha partitë duhet të gjejnë mënyrë për zbatimin e Marrëveshjes së Përzhinos. U bëjmë thirrje të gjithë palëve që t’u ikin rreziqeve që i shembin përpjekjet disavjeçare të shtetit që me mbështetjen e bashkësisë ndërkombëtare ta përforcojë sundimin e së drejtësisë. Është e rëndësishme që të ketë zgjedhje të besueshme dhe të mbahet vendi në rrugën euro-atlantike. Të gjitha partitë të kthehen në dialog dhe të gjejnë marrëveshje të përbashkët”, thonë nga BE./Telegrafi/