Ushtria izraelite konfirmon vdekjen e dy pengjeve të mbajtura nga Hamasi në Gazë

Forcat Mbrojtëse të Izraelit (IDF) kanë njoftuar për vdekjen e dy izraelitëve të cilët ishin rrëmbyer nga terroristët e Hamasit në sulmin terrorist të 7 tetorit të vitit 2023.

IDF thekson se trupat e tyre ende po mbahen nga Hamasi, shkruan skynews.

Në vijim, njoftimi i ushtrisë izraelite:

“Sot, IDF njoftoi familjet e dy pengjeve Alex Dancyg dhe Yagev Buchshtab se ata nuk jetojnë më. Alex dhe Yagev u rrëmbyen brutalisht dhe trupat e tyre ende mbahen nga Hamasi. Konfirmimi i vdekjes së tyre vjen pas shqyrtimit të plotë të inteligjencës dhe miratimit të komisionit të ekspertëve të Ministrisë së Shëndetësisë në bashkëpunim me Ministrinë e Shërbimeve Fetare dhe Policinë e Izraelit. Rrethanat e vdekjes së tyre nën robërinë e Hamasit po shqyrtohen nga të gjitha autoritetet profesionale. Ne mbetemi të përkushtuar ndaj mbledhjes së informacionit për pengjet në Gazë dhe do të vazhdojmë t’u ofrojmë mbështetje familjeve të pengjeve gjatë kësaj kohe të vështirë”.

Today, the IDF informed the families of the two hostages Alex Dancyg and Yagev Buchshtab that they are no longer alive.

Alex and Yagev were brutally abducted into Gaza and their bodies are still being held by Hamas. The confirmation of their deaths comes after thorough… pic.twitter.com/nufhHEgiL4

— Israel Defense Forces (@IDF) July 22, 2024

Nga ana tjetër, në njoftimin e Ministrisë së Punëve të Jashtme të Izraelit thuhet:

“Jemi të shkatërruar të njoftojmë se Forcat e Mbrojtjes së Izraelit kanë konfirmuar vdekjen e Alex Dancyg (76 vjeç) dhe Yagev Buchshtav (35 vjeç), të cilët u rrëmbyen nga terroristët e Hamasit më 7 tetor dhe u mbajtën peng në Gaza”.

Lexo po ashtu Izraeli urdhëron evakuimin e zonës humanitare në Gazë për të filluar një operacion ushtarak kundër Hamasit

Ndryshe, së fundmi ushtria izraelite ka urdhëruar evakuimin e një pjese të zonës humanitare Muwasi në Gazë për të filluar një operacion kundër militantëve të Hamasit, ndërsa negociatat për armëpushim po vazhdojnë.

Ushtria ka njoftuar se ata planifikojnë të fillojnë një operacion kundër militantëve të Hamasit, të cilët janë vendosur në zonë dhe e kanë përdorur atë për të lëshuar raketa drejt Izraelit.

Sipas OKB-së dhe grupeve humanitare, pjesa më e madhe e asaj zone tani është e mbuluar me kampe të cilave u mungojnë kanalizimet, objektet mjekësore dhe kanë qasje të kufizuar në ndihmë. /Telegrafi/