Izraeli dhe Hamasi bien dakord për pauza tre-ditore të luftimeve për vaksinimin e fëmijëve në Gaza

Ushtria izraelite dhe grupi militant palestinez Hamas kanë rënë dakord për tre pauza të veçanta tre-ditore të luftimeve në pjesë të ndryshme të Rripit të Gazës për të lejuar rreth 640 mijë fëmijë të vaksinohen kundër poliomielitit.

Kështu deklaroi ick Piperkorn, zyrtari më i lartë i Organizatës Botërore të Shëndetësisë (OBSH) për rajonin, i cili dha edhe disa detaje.

Ai vuri në dukje se fushata do të fillojë në Rripin qendror të Gazës me një pauzë tre-ditore të luftimeve, e ndjekur nga dy pauza të tjera tre-ditore në jug dhe në veri të enklavës.

Piperkorn shtoi se ekziston një marrëveshje për të zgjatur pauzën humanitare në secilën zonë në një ditë të katërt nëse është e nevojshme, raporton newyorktimes.

Më 23 gusht, OBSH-ja konfirmoi se të paktën një foshnjë ishte paralizuar nga virusi i poliomielitit të tipit 2, rasti i parë i tillë në territorin palestinez në 25 vjet.

Njësia Humanitare e Ushtrisë Izraelite (COGAT) tha të mërkurën se fushata e vaksinimit do të kryhet në koordinim me ushtrinë izraelite “si pjesë e pushimeve rutinë humanitare që do të lejojnë popullsinë të arrijë në qendrat mjekësore ku do të vaksinohen”. /Telegrafi/