Izraeli arsyeton bombardimin e ndërtesës së mediave në Gaza

Forcat Izraelite të Mbrojtjes (IDF) kanë njoftuar sulme ndaj ndërtesave në Gaza, duke shkatërruar një rrokaqiell që strehon zyrat e Al Jazeera dhe agjencitë botërore, të tilla, si AP.

Ata thanë se donin të jepnin kontekst të vlefshëm për titujt e mediave në lidhje me sulmet e sotme në Gaza.

“Hamas ka kthyer zonat e banuara në Rripin e Gazës në bastione ushtarake. Ai po i përdor ndërtesat e larta në Gaza për qëllime të shumta ushtarake, të tilla si mbledhja e inteligjencës, planifikimi i sulmit, komandimi dhe kontrolli dhe komunikimet. Kur Hamas përdor një ndërtesë të lartë për qëllime ushtarake, ajo bëhet një objektiv i ligjshëm ushtarak”, thuhet në njoftimin e IDF-së.

After providing advance warning to civilians & time to evacuate, IDF fighter jets struck a multi-story building containing Hamas military intelligence assets.

The building contained civilian media offices, which Hamas hides behind and deliberately uses as human shields. pic.twitter.com/zeDjEquePD

— Israel Defense Forces (@IDF) May 15, 2021

“Forcat izraelite të mbrojtjes kanë goditur një numër ndërtesash të tilla ditët e fundit, por para se ta bënim këtë, ne ndërmorëm hapa për të siguruar që civilët të mos dëmtoheshin. Ne i thirrëm banorët e ndërtesës dhe i paralajmëruam të largohen. Ne kemi dërguar mesazhe me tekst. Ne lëshuam bomba që bëjnë një zhurmë të fortë dhe goditëm vetëm çatinë. Ne siguruam kohë të mjaftueshme për evakuim”, thuhet më tutje.

Të paktën 139 njerëz janë vrarë në Gaza që nga e hëna, duke përfshirë 39 fëmijë dhe 22 gra. Tetë vetë u vranë në Izrael, duke përfshirë një djalë pesë vjeç dhe një ushtar. /Telegrafi/

Oh my god. The building where al Jazeera’s office is housed has just been taken down by Israeli airstrikes. There was a warning and evacuated. It houses offices and private homes. I can’t believe it. pic.twitter.com/Q4luRYk9H9

— Stefanie Dekker (@StefanieDekker) May 15, 2021