Italia e çeliktë, dërgon Spanjën në shtëpi (Foto/Video)

Italia ka fituar një biletë të çerekfinales së Euro 2016.

Italianët kanë triumfuar në stadiumin Stade de France kundër Spanjës me rezultat prej 2:0.

“Azurrët” gjatë gjithë pjesës së parë treguan lojë më të mirë, ndërsa spanjollët herë pas here u munduan të befasonin me disa sulme, por të cilat përfundonin pa rezultat.

Luhej minuta e 33-të kur u gjykua një gjuajtje e lirë para portës së spanjollit, David de Gea.

Përgjegjësinë për ekzekutim e mori sulmuesi, Eder, i cili goditi fuqishëm topin, gjë që portieri spanjoll nuk ishte në gjendje ta kap topin, ndërsa topin e devijuar e dërgoi në portë, Giorgio Chiellini dhe me këtë rast kaloi në epërsi italianët, raporton Telegrafi.

Në pjesën e dytë spanjollët ishin më këmbëngulës në gjetjen e rrugës së golit të barazimit, ndërsa italianët provuan të ngritin epërsinë përmes kundër sulmeve.

Alvaro Morata (50’), Aritz Aduriz (70’), Andres Iniesta (76’) kanë mundur të barazonin rezultatin sikur të ishin më të saktë para portës së italianëve, përkatësisht Gianluiggi Buffon tregoi edhe njëherë klasin botëror duke intervenuar disa herë, e cila gjë i pamundësoi spanjollëve të realizonin gol.

Vlen të ceket se Eder (55’) kishte rastin më të mirë për italianët, kur përballë De Geas nuk u tregua i saktë dhe humbi një rast të pastër për të dyfishuar epërsinë.

Por, kur pritej të përfundonte takimi, Graziano Pelle vulosi rezultatin përfundimtar, atë prej 2:0 për Italinë.

Pas kësaj, Italia në çerekfinale të evropianit të futbollit do të takohet me kombëtaren e Gjermanisë, e cila mbrëmë eliminoi Sllovakinë. /Telegrafi/