Baret dhe restorantet janë plot. Njerëzit janë jashtë duke shijuar jetën. Atraksionet gjeologjike janë të hapura për turistët. Kushdo që viziton Islandën tani mund të mendojë se ka mbërritur në një univers paralel, ku coronavirusi nuk ka ekzistuar kurrë.
Dhe siç e vlerëson CNN, përcjell Telegrafi, bëhet fjalë për një perspektivë marramendëse.
Kjo pasi që, për njerëzit që vijnë nga vendet që janë ende nën bllokim, normaliteti i pastër i të ngrënit të drekës në një restorant të mrekullueshëm në Reykjavik është pothuajse aq emocionues sa të qenit mbi humnerën e bubullimave të ujëvara të fuqishme të Gullfoss-it të Islandës.
Një gjë e tillë, siç thuhet më tej, nuk është sepse Islanda ka qenë imune ndaj COVID-19.
Në fazat e hershme të tij, infeksioni “u shtri” mes popullatës relativisht të vogël të ishullit.
Por falë një regjimi të rreptë të gjurmimit dhe gjetjes së rasteve, ai pak a shumë është eliminuar, duke i dhënë vendit besim të rihapë kufijtë më 15 qershor.
Kështu që, dy ditë më vonë, më 17 qershor, Islanda festoi ditën e saj të përvitshme kombëtare me zellin e saj të zakonshëm, vendasit duke dalë në masë në rrugët e kryeqytetit.
Madje nuk kishte as maska për fytyrë ose distancim shoqëror ndërsa kryeministrja Katrin Jakobsdóttir doli për t’iu adresuar turmës.
Nuk ka asnjë vetëkënaqësi sidoqoftë. Para se të hyjnë në Islandë, udhëtarët duhet të veshin një maskë gjatë fluturimeve dhe brenda sallave të mbërritjes të Aeroportit Keflavik.
Në ulje, ata bashkohen me një radhë të re për teste për të filtruar këdo që mund të ishte i prekur me COVID-19.
Gjithashtu, që nga 1 korriku, kur Islanda hapet për vendet përtej Zonës Shengen të Evropës, vizitorët do të duhet të paguajnë 114 dollarë për këtë proces.
Rezultatet vijnë nga mesazhi me tekst disa orë më vonë. Nëse është pozitiv, vizitorët duhet të hyjnë në karantinë për 14 ditë pa marrë parasysh planet që ata mund të kenë për vizitën e tyre. Ekziston edhe mundësia e anashkalimit të testit dhe të shkoni drejt e në karantinë.
Nëse testi është negativ, vizitorët janë të lirë të shijojnë Islandën pa kufizime.
Në fund të fundit, vlerëson CNN, përcjell Telegrafi, sistemi i kontrollimit dhe gjurmimit të kontakteve të Islandës ka qenë aq efikas sa të mund të mburret me një nga nivelet më të ulët të vdekjes së virusit në botë: tre për 100,000 njerëz krahasuar me 440 për 100,000 në Mbretërinë e Bashkuar.
Ajo që e bën atë edhe më të dukshme është se ata filluan me një nga nivelet më të larta të infeksionit në Evropë – 513 raste për 100,000 krahasuar me 450 për 100,000 në Mbretërinë e Bashkuar. /Telegrafi/
Promo
Reklamo këtuLufta Prigozhin - Putin
Më shumëReagimi me një fjalë i ministrit izraelit – detaje dhe pamje, minutë pas minute, rreth ‘hakmarrjes’ së Izraelit ndaj Iranit
Izraeli e njoftoi në minutën e fundit SHBA-në për sulmin ndaj Iranit
"Iranianët janë shumë të frikësuar"
Sulmi izraelit, iranianët pretendojnë se “shpërthimet ishin si fishekzjarre"
Izraeli sulmon Iranin me raketa
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi