Ishte dasma e tij por ai zgjodhi të punonte në laptop, burri ngjall reagime në rrjetet sociale

Të gjithë ne kemi përjetuar presion gjatë punës.

Disa punë kanë presion më të lartë, duke kërkuar që ju të jeni vigjilent në çdo kohë.

Shumica prej nesh kanë dëgjuar raste kur njerëzit duhej të vendosnin punën e tyre përpara çdo gjëje tjetër.

Tani, një foto që po bëhet virale në rrjete sociale ka rindezur diskutimin mbi punën dhe jetën, përcjell Telegrafi.

Imazhi, i shpërndarë në LinkedIn nga Torrey Leonard, bashkëthemelues dhe CEO i startupit Thoughtly, tregon bashkëthemeluesin e tij Casey Mackrell duke punuar në laptop gjatë dasmës së tij.

Leonard shpjegoi rrethanat, duke vënë në dukje se kompania kohët e fundit kishte siguruar një klient të ri me një afat kohor prej dy javësh për nisjen e një projekti dhe dasma e Mackrell ndodhi në të njëjtën kohë.

Që atëherë, ai ka grumbulluar disa reagime dhe komente.

Në seksionin e komenteve, Mackrell sqaroi se ai u kthye në festë “dy sekonda më vonë”, megjithatë, imazhi ndezi debat në rrjete sociale.

“Shumë e çuditshme për ta postuar këtë. Kjo nuk është asgjë për t’u mburrur”, ka shkruar një përdorues.

“Kjo është jashtëzakonisht e turpshme për ju dhe kompaninë tuaj”, tha një tjetër. /Telegrafi/