Ish-e dashura Winona Ryder e habitur me akuzat për dhunë ndaj Depp: Asnjëherë nuk ka qenë i tillë

Ish-partnerja e Johnny Depp, Winona Ryder, ka deklaruar se nuk mund t’i besojë deklaratat e ish-bashkëshortes së aktorit, Amber Heard, se ai ka qenë i dhunshëm ndaj saj.

“Unë vërtet e njoh si një njeri shumë të mirë”, ka deklaruar Ryder lidhur me hamshorin hollivudian.

Depp e ka paditur botuesin e tablodit The Sun, sepse e ka karakterizuar si të dhunshëm ndaj ish-bashkëshortes, si edhe i ka mohuar 14 akuzat për dhunë në familje.

Winona së bashku me ish-partneren tjetër të aktorit, Vanessa Paradis, duhet të dëshmojnë në gjykatë përmes videolidhjeve. Megjithatë, avokati i yllit hollivudian, David Sherborne, ka thënë se nuk do të jetë e nevojshme që ato të dëshmojnë.

Lexo po ashtu Depp ishte xheloz dhe kundër skenave erotike të ish-gruas Amber Heard

Ryder, e cila ka qenë në lidhje me Depp për katër vite, ka thënë se po flet nga përvoja personale. Sipas saj, edhe pse aktori është krejtësisht ndryshe nga njerëzit tjerë që i ka njohur, ajo është befasuar kur ka dëgjuar për akuzat për përdorim të dhunës nga ai.

“’Johnny Depp i dhunshëm’ nuk është ai që e kam njohur. Nuk mund t’i kuptoj këto akuza. Sipas meje, asnjëherë nuk ka qenë i dhunshëm. Unë e njoh si njeri vërtet të mirë”, ka deklaruar aktorja.

Edhe Paradis, e cila e njeh aktorin për 25 vite dhe kanë qenë në lidhje për 14 vite, ka deklaruar se gjatë gjithë kohës, ai ka qenë i mirë, i kujdesshëm, zemërgjerë, aspak i dhunshëm dhe prind i mirë. /Telegrafi/