Interi dhe Milani luajnë vetëm për fitore, formacionet zyrtare të Derby della Madonnina

Interi dhe Milani kanë publikuar tashmë formacionet zyrtare për ndeshjen derbi të vlefshme për javën e 24-të në Serie A.

Nerazzurrët dhe Rossonerët janë gati për Derby della Madonninan e dytë të sezonit në takimin që pritet të zhvillohet me fillim nga ora 18:00.

Ekipi i Simone Inzaghit vjen në këtë ndeshje me një formë shumë të lartë pa humbje në 14 ndeshje apo nëntë fitore dhe një barazim nga 10 ndeshjet e fundit dhe synon të vazhdoj serinë pozitive me tri pikë të radhës për të ngritur epërsinë me ndjekësit.

🏟️ | STADIO

🏠🖤💙#ForzaInter #InterMilan #DerbyMilano #LoveMilano pic.twitter.com/Y3GWjyA2UO

— Inter ⭐⭐ (@Inter) February 5, 2022

Në anën tjetër, ekipi i Stefano Piolit gjithashtu po zhvillon një sezon të madh, por ka pasur rënie në ndeshjet e fundit duke humbur paksa hapin në ndjekjen e rivalëve me një humbje dhe një barazim në dy ndeshjet e fundit, por derbi gjithmonë luhet për t’u fituar dhe kështu po synojnë edhe Rossonerët.

Trajnerët e të dyja skuadrave kanë vendosur të startojnë me formacionet më të mira të mundshme, pavarësisht disa mungesave në skuadër.

Inter: Handanovic; Skriniar, De Vrij, Bastoni; Dumfries, Barella, Brozovic, Calhanoglu, Perisic; Dzeko, Lautaro Martinez

Milan: Maignan; Calabria, Kalulu, Romagnoli, Theo Hernandez; Tonali, Bennacer; Saelemaekers, Kessie, Leao; Giroud

/Telegrafi/