Interi dhe Icardi do të takohen gjatë javës së ardhshme për të diskutuar rreth rinovimit

Pas shumë thashethemesh, është raportuar se Interi do të takohet me Mauro Icardin dhe agjentin e tij brenda javës së ardhshme për të diskutuar rreth rinovimit të kontratës.

Sulmuesi ka klauzolë prej 110 milionë euro në kontratën e tij, por që është e vendosur vetëm për klubet e huaja në dy javët e para të korrikut.

Trajneri Luciano Spalletti ka thënë se kapiteni zikaltër mund të largohet nëse vjen ndonjë ofertë e mirë, por argjentinasi nuk ka dhënë ende ndonjë indikacion se dëshiron aventurë të re.

Tani Premium Sport, raporton se në java e ardhshme do të jetë vendimtare për të ardhmen e Icardit pasi klubit do takohet me lojtarin dhe gruan e tij Wanda Nara, e cila është edhe agjente.

Klauzola pritet të rritet, ndërsa gjithashtu edhe rroga e lojtarit.

Lexo po ashtu Shumë klube janë të gatshme ta paguajnë klauzolën e Icardit

Me bonuse ajo pritet të shkojë në sezon deri në 7.5 milionë euro, një shifër mjaft e lartë për futbollin italian.

Vlen të theksohet se Icardi së bashku me Ciro Immobilen me nga 29 gola kanë qenë golashënuesit më të mirë. /Telegrafi/