LAJMI I FUNDIT:

Influencuesja amerikane që jepte këshilla për rritjen e fëmijëve, dënohet për abuzim të fëmijëve

Influencuesja amerikane që jepte këshilla për rritjen e fëmijëve, dënohet për abuzim të fëmijëve

Një influencuese nga Utah, SHBA, e cila ndau këshilla të ashpra për rritjen e fëmijëve në YouTube, është dënuar me të paktën katër vjet burg për abuzim me fëmijët.

Ruby Franke (42) me lot kërkoi falje në gjykatë kur mësoi fatin e saj. Ajo më parë u deklarua fajtore për abuzim dhe kequshqyerjen e fëmijëve të saj, transmeton Telegrafi.


Ajo u shfaq së bashku me ish-partneren e saj të biznesit Jodi Hildebrandt (54), e cila mori një dënim të njëjtë.

Gjykatësi i dënoi ato me katër dënime nga një deri në 15 vjet burg. Dënimet do të ekzekutohen në mënyrë të njëpasnjëshme dhe janë maksimale, për çdo akuzë sipas ligjit të këtij shteti federal.

Se sa kohë do të shërbejë secila në fund do të përcaktohet nga bordi shtetëror i lirimit me kusht. Franke do të ketë 30 ditë për të apeluar vendimin.

Në gjykatë, Prokurori i Shtetit të Utah-s, Eric Clarke tha se dy fëmijët e Rubyt, nëntë dhe 11 vjeç në atë kohë, jetonin në një “mjedis të ngjashëm me kampin e përqendrimit” dhe e quajti atë kërcënim për komunitetin.

“Fëmijëve u privohej rregullisht ushqimi, uji, shtretërit për të fjetur dhe pothuajse të gjitha format e argëtimit”, tha Clarke.

Në gjykatë, Ruby ishte në lot pas vendimit. Ajo u kërkoi falje fëmijëve të saj dhe tha:

“Isha aq e çorientuar sa besoja se ishte drita e errët dhe e drejta ishte e gabuar. Më shtynë të besoja se kjo botë ishte një vend i lig, i mbushur me policë kontrollues, spitale që lëndonin, agjenci qeveritare që lajnë trurin, udhëheqës kishash që gënjejnë, burra që refuzojnë të mbrojnë dhe fëmijët që kanë nevojë për abuzim”, tha ajo.

Dy gratë u arrestuan në gusht 2023, pasi djali 12-vjeçar i Franke u arratis nga dritarja e shtëpisë së Hildebrandt në Ivins, Utah.

Policia tha se fëmija më pas vrapoi te një fqinj dhe kërkoi ushqim dhe ujë. Sipas të dhënave të policisë, ai kishte plagë nga lidhja me litar.

Arrestimet shënuan fundin e një karriere të gjatë dhe të diskutueshme në YouTube. Franke ka grumbulluar më shumë se dy milionë abonentë në kanalin e saj 8 Passengers, të cilin e lansoi në 2015. /Telegrafi/

Në trend Botë

Më shumë
Momenti kur makina e “tradhtarit ukrainas” hidhet në erë në një atentat kundër tij – pasi ai u pa duke ecur drejt saj

Momenti kur makina e “tradhtarit ukrainas” hidhet në erë në një atentat kundër tij – pasi ai u pa duke ecur drejt saj

Botë
Trump mendonte se Ukraina ‘duhet të jetë pjesë e Rusisë’ - The Guardian zbulon detaje të një libri që do të publikohet të martën

Trump mendonte se Ukraina ‘duhet të jetë pjesë e Rusisë’ - The Guardian zbulon detaje të një libri që do të publikohet të martën

Botë
Rritet rreziku i një lufte më të madhe - Biden e di se nuk mund të mbyllë sytë

Rritet rreziku i një lufte më të madhe - Biden e di se nuk mund të mbyllë sytë

Azia
Britania e Madhe prezanton laserin e ri ushtarak që mund të përdoret për të shënjestruar dronët rus në Ukrainë

Britania e Madhe prezanton laserin e ri ushtarak që mund të përdoret për të shënjestruar dronët rus në Ukrainë

Evropa
Irani pritet të nis një sulm 'direkt' ndaj Izraelit gjatë 36 orëve të ardhshme

Irani pritet të nis një sulm 'direkt' ndaj Izraelit gjatë 36 orëve të ardhshme

Azia
Pamje nga beteja e ashpër për Novomykhailivkan, ukrainasit arrijnë të shkatërrojnë tanket e autoblindat ruse

Pamje nga beteja e ashpër për Novomykhailivkan, ukrainasit arrijnë të shkatërrojnë tanket e autoblindat ruse

Evropa
Kalo në kategori