Indinjatë në Indi pasi mësuesja u thotë nxënësve të godasin shokun e klasës që është mysliman

Policia në Indi po heton një mësuese pasi një video e saj duke inkurajuar nxënësit të godasin shokun e tyre të klasës 7-vjeçar, që është mysliman, shkaktoi zemërim të gjerë në vend.

Sipas mediave të huaja, përcjell Telegrafi, videoja e incidentit, që ndodhi në distriktin Muzaffarnagar në shtetin verior të Uttar Pradesh, tregon djalin duke qëndruar i frikësuar përballë shokëve të klasës, ndërsa mësuesja u bën thirrje nxënësve ta godasin.

Djali qan ndërsa shokët e tij të klasës e godasin me radhë, ndërsa mësuesja dëgjohet duke u thënë nxënësve që ta bëjnë “si duhet”.

https://twitter.com/NilanjanDasAITC/status/1695365126029984155?s=20

Një burrë dëgjohet duke qeshur ndërsa djali vajton dhe shuplakat vazhdojnë.

Mbikëqyrësi i policisë së Muzaffarnagar, Satyanarayan Prajapat, tha të premten se mësuesjs u tha nxënësve të godasin djalin “sepse nuk kishte mbajtur mend tabelat e orarit të tij”.

“Mësuesja deklaroi: Kur nënat e nxënësve muhamedanë (që ndjek Islamin) nuk u kushtojnë vëmendje studimeve të fëmijëve të tyre, performanca e tyre është e shkatërruar”, tha ai.

Incidenti ka shkaktuar zemërim të gjerë në Indi, demokracia më e madhe në botë prej 1.4 miliardë banorësh, ku politikat nacionaliste hindu të Partisë Bharatiya Janata (BJP) në pushtet kanë thelluar tensionet e vendit dhe kanë krijuar atë që grupet e të drejtave dhe kritikët e qeverisë thonë se është një atmosferë frike midis grupeve minoritare. /Telegrafi/